«Мин биисинэһим» киин элбэх оҕолоох дьиэ кэргэн стартабын өйүөҕэ

«Мин биисинэһим» киин «Көдьүүстээх уонна күрэстэһэр кыахтаах экэниэмикэ» национальнай бырайыак чэрчитинэн олоххо киирэр «Элбэх оҕолоох дьиэ кэргэҥҥэ – дьоҕус биисинэс» үөрэтэр бырайыакка кыттарга сайаапкалары тутуу саҕаламмытын туһунан иһитиннэрэр.

Бырагыраама  балаҕан ыйын 8-12 кк. диэри Дьокуускай куоракка ыытыллыаҕа уонна бэйэ дьыалатын арыйарга эбэтэр сайыннарарга интэриэстээх элбэх оҕолоох дьиэ кэргэн бэрэстэбиитэллэригэр ананар.

Биэс күннээх үөрэх устата кыттааччылар биисинэс-компетенцияларын сайыннарар кыахтаныахтара:

• — бэйэ биисинэс-бырайыагын оҥорон көмүскүөхтэрэ;
• — эрэгийиэн ситиһиилээх урбаанньыттарыгар дьыалабыай сырыыларга кыттыахтара;
• — уопуттаах эспиэрдэртэн биирдиилээн консультациялары ылыахтара.

Бырайыактар күрэхтэрин кыайыылааҕа биисинэһи олоххо киллэрэргэ уонна сайыннарарга 150 тыһыынча солкуобай кээмэйдээх гранынан өйөбүлү ылыаҕа.

Кыттарга элбэх оҕолоох дьиэ кэргэн (18-гар диэри саастаах үс уонна онтон элбэх оҕолоох) чилиэннэрэ – физическэй сирэйдэр, бырагыраама саҕаланар күнүгэр үс сылтан ордуга суох кэмҥэ бэлиэтэммит дьоҕус уонна орто урбаан субъектара, ону таһынан бэйэлэрин дьарыктаах өрөспүүбүлүкэ олохтоохторо ыҥырыллаллар.  Биир дьиэ кэргэнтэн икки киһи кыттара көҥүллэнэр.

Сайаапканы атырдьах ыйын 27 күнүгэр диэри манан киирэн толоруохха сөп: https://forms.yandex.ru/cloud/6881dd68e010db155054b9e4

«Мин биисинэһим» эрэгийиэннээҕи киин Арассыыйа Бэрэсидьиэнэ Владимир Путин көҕүлээбит «Көдьүүстээх уонна күрэстэһэр кыахтаах экэниэмикэ» национальнай бырайыак чэрчитинэн урбаанньыттарга өйөбүлү оҥорор.