sakha.gov.ru ылылынна
“Мин биисинэһим” киин “Урбаанньыт ийэ” федеральнай бырагыраама эрэгийиэннээҕи түһүмэҕэр кыттарга сайаапкалары хомуйар.
Манна биисинэһэ суох, биитэр бэйэ дьарыктаах эбэтэр 1 сылтан ордуга суох кэмҥэ ИП быһыытынан регистрацияламмыт саастарын ситэ илик оҕолордоох дьахталлар (ийэлэр, иитэр ийэлэр, опекуннар) кыттыахтарын сөп.
Уопсайа кыттааччылар биэс күн үөрэниэхтэрэ, ситиһиилээх урбаанньыт дьахталлардыын көрсүһүөхтэрэ, биисинэс-бырайыактарны көмүскүөхтэрэ.
“Урбаанньыт ийэ” – ураты федеральнай бырагыраама, Арассыыйаҕа урбаанньыт дьахталлары өйүүргэ туһуланар.
Бу бырагыраама көмөтүнэн оҕолоох эбэтэр дэкириэккэ сылдьар дьахталлар биисинэскэ ситиһиилээхтик киирэр кыахтаналлар.
Үөрэтии трениг-интенсив көрүҥүнэн ыытыллар, манна кыттааччылар биисинэс-идиэйэлэрин толкуйдууллар, үптэрин-харчыларын ааҕыналлар, биисинэс-былаан торумнууллар. Эспиэртиир жюрига түмүккэ биисинэс-бырайыактарын көмүскүөхтэрэ.
Эрэгийиэннээҕи түһүмэххэ бастыҥ бырайыак 100 тыһыынча солкуобай кээмэйдээх граны ылыаҕа.
Кыайыылаах “Урбаанньыт ийэ” бырагыраама федеральнай түһүмэҕэр киирсиэҕэ. Уонна биисинэһин сайыннарарага 1 мөлүйүөн, 500 тыһыынча уонна 250 тыһыынча солкуобай кээмэйдээх граннар иһин киирсиэҕэ.
Сайаапкалары бу дьыл атырдьах ыйын 12 күнүгэр диэри тутуохтара. Уопсайа 35 дьахтар кыттыаҕа.
Бырайыакка кыттыы туһунан мамапредприниматель.рф. саайтка киирэн көрүҥ.
Бырагыраама “Дьоҕус уонна орто урбаан” нацбырайыагынан олоххо киирэр. Тэрийээччилэр: Арассыыйа Экэниэмикэ сайдыытыгар министиэристибэтэ. Оператор: “Мой бизнес – мои возможности”. Кыттыгас тэрийээччилэр: Wildberries хампаанньа, Баан-партнер: СБЕР. Бырайыа кпартнердара: Арассыыйа Дьахталларын сойууһа, VK, iDialogue хампаанньалар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…