«Мин дойдум» диэн бырайыакка кыттарга ыҥыраллар

Саха Өрөспүүбүлүкэтигэр биир кэлим информационнай хонууну, ис туризмы сайыннарар, нэһилиэктэр ситиһиилэрин киэҥник сырдатар, муниципалитеттар икки ардыларыгар уопуту тарҕатар сыалтан «Сахамедиа» холдинг «Мин дойдум» диэн бырайыагы саҕалыыр.

Саҥа бырайыак zmtk.ru саайт чэрчитинэн  үлэлиир. Бу сыл сэтинньититтэн кэлэр сыл муус устарыгар диэри нэһилиэктэр баһылыктарын өйөбүллэринэн уопсастыбанньыктар, учууталлар, култуура үлэһиттэрэ саайтка регистрацияланан, нэһилиэк олоҕун туһунан матырыйааллары, айылҕа, култуура, устуоруйа, үлэ күннэрин туһунан сырдаталларыгар ыҥыраллар.

Матырыйааллар хаачыстыбаларын уонна төһө киһи аахпытын, көрбүтүн учуоттаан, «Заметки» саайтка ый ахсын түмүк таһаарар куонкурус биллэриллэр.

Кыайыылаах нэһилиэк «Саха сирэ»,  «Якутия», өрөспүүбүлүкэтээҕи хаһыаттарга, саайтарга босхо матырыйаал таһааттарар кыахтаныахтара.

Сиһилии манна саайтка ааҕыҥ.