«Мин докумуоннарым» киин халаантан эмсэҕэлээбит дьонтон сайабылыанньаны тутууну саҕалаата

“Мин докумуоннарым” киин халаантан эмсэҕэлээбиттэр өйөбүлү ылалларыгар сайабылыанньаны тутууну саҕалаата.

Бүгүн, ыам ыйын 22 күнүгэр, Ил Дархан Айсен Николаев бырабыыталыстыба чилиэннэрин кытта сааскы халаан содулун туоратар соруктар тустарынан сүбэ-мунньах ыытарыгар халаантан эмсэҕэлээбит дьон бары судаарыстыбаннай өҥөнү оҥорор портал нөҥүө сайабылыанньа суруйан киллэриэхтээхтэрин бэлиэтээбитэ. Төлөбүрү ыларга туһуламмыт сайабылыанньаны бэс ыйын 19 күнүгэр диэри тутуохтара. Өйөбүлүнэн туһаныыга сайабылыанньаны халаан кэмигэр баайдарын-дуолларын сүтэрбит, доруобуйаларыгар оҕустарбыт Өлүөхүмэ уонна Нам улууһун олохтоохторо  биэрэллэр. Докумуону судаарыстыбаннай өҥө порталыгар уонна Нам улууһугар «Мин докумуоннарым” киин мобильнай пууннарыгар биэриэххэ сөп. Элбэх өҥөнү оҥорор киин исписэлиистэрэ обильнай пууннара Остуолбаҕа, Граф Биэрэгэр, Маймаҕаҕа уонна Тумулга үлэлиэхтэрэ.