Хаартыскаҕа Августина Хабарова түһэриитэ
Дьокуускай куоракка элбэх киһи кутун туппут, история пааркатын киэҥ уораҕайыгар, бүгүҥҥү устудьуоннар араас сылларга тутар этэрээккэ таһаарыылаахтык үлэлээбит бэтэрээннэрин түмэн, тутар этэрээттэр сүлүөттэрин үрдүк таһымнаахтык тэрийэн ыыттылар.
Сүлүөт иннинэ этэрээттэр салайааччылара, актыбыыстара түмсэннэр «төгүрүк остуол» тула олорон киэҥ хабааннаах кэпсэтиини ыыттылыр, инники былааннарын торумнаатылар.
Ити бириэмэҕэ бэтэрээннэр эдэр байыастары кытта байыастарга анаан сиэккэ баайыытыгар аахсыйаҕа кыттан бэйэлэрин сэмэй кылааттарын киллэристилэр.
Дьоро тэрээһиҥҥэ бүгүҥҥү күҥҥэ диэри актыыбынайдык үлэлэһэн кэлбит байыастарга «Ветеран ССО» диэн түөскэ иилинэр бэлиэни итиэннэ хас биирдии саалаҕа кэлэн олорор бэтэрээн байыастарга эҕэрдэ суруктары туттарыылара дохсун ытыс тыаһынан доҕуһуолланна. Эдэр, эрчимнээх устудьуоннар ыллаан-туойан, үҥкүүлээн үөрүүлэрин үрдэттилэр, эдэр саастарын санатан долгуттулар. Кинилэртэн бэтэрээннэр хаалсыбакка ол кэмнээҕи көхтөөх үлэлэрин ымпыгын-чымпыгын кэпсээн, ырыаларын ыллаан санаалыын чэпчээн, сарсыҥҥы күҥҥэ уҕараабат эрчими эбиннилэр.
«Чэчир» этэрээккэ 5 сылы быһа тохтоло суох үлэлээбит, оскуолаҕа пионер баһаатайдаабыт, Людмила Оконешникова Саха сиригэр пионерия 100 сылынан саалаҕа мустубут устудьуоннар тутар этэрээттэрин бары байыастарыгар кыһыл хаалтыстары тарҕатан, горн, барабаан тыаһынан мэктиэ тылы доргуччу этитэн, пионерскай ырыаны ыллатан оччотооҕу кэрэ кэмнэри эргитэн, бары төлөннөөх пионердар буолан ыллыбыт.
«Аныгы сүлүөт үлэтигэр көрсүөххэ диэри, күндү доҕоттор!» — дэһэн бу тэрээһини иилээн-саҕалаан ыыппыт устудьуоннарга, кинилэр салайааччыларыгар махтанан тарҕастыбыт.
Августина Хабарова.
Ааптар хаартыскаҕа түһэриитэ
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…