«Мин — эдэр быыбардааччыбын!»

Бу күннэргэ Ленскэй улууһун үс оскуолатын үөрэнээччилэрин ортотугар дьыалабыай оонньуу буолан ааста.

Тэрээһин сыалынан ыччат быыбардыыр быраабын, патриотическай иитиитин үрдэтии, гражданскай көҕүн тэрийии буолар. Дьыалабыай оонньууну Ленскэй территориятааҕы быыбардыыр хамыыһыйата уонна Ленскэй оройуонун Үөрэҕин салалтата тэрийдилэр.

Хамаандалар икки түһүмэҕинэн быыбардыыр бырааптарын уонна Арассыыйа устуоруйатын билиигэ тургутууну аастылар. Онньуу бастакы түһүмэҕэ «Своя игра» киэбинэн ыытылынна. Кыттааччылар устуоруйа уонна Арассыыйа Федерациятын, Саха сирин уонна «Ленскэй оройуон» МТ туһунан ыйытыыларга хоруйдаатылар. Иккис түһүмэххэ быыбардыыр быраап туһунан кроссвордары толордулар. Оттон түмүктүүр түһүмэххэ үөрэнээччилэр викторина таайдылар.