«Мин маҥнайгы учууталым» аахсыйа ыытыллар
14.09.2023, 17:00
Хаартыска: https://sakha.gov.ru/news/front
Бөлөххө киир:
Учуутал күнэ чугаһаата. Быйылгы тустаах күн алтынньы 5 күнүгэр түбэһэр. Бу күнү көрсө Саха сиригэр ыытыллар «Мин маҥнайгы учууталым» диэн аахсыйаҕа кыттыаххытын сөп.
Оскуоланы үөрэнэн бүтэрбиттэр, төрөппүттэр, оҕолор бэйэлэрин социальнай ситимнэригэр #МойПервыйУчительЯкутия, #ГодПедагогаНаставника, #ГПН_2023 диэн хештегтары туһанан маҥнайгы учууталларын туһунан кэпсииллэр. Аахсыйаҕа кыттааччылар хайаан да маҥнайгы учууталларын хаартыскаларын социальнай ситимнэригэр угуохтаахтар, видеоролик да устуохтарын эмиэ сөп.
Ону тэҥэ, «Спасибо учителю!» диэн бүтүн Арассыыйатааҕы аахсыйа ыытылла турар, кыттааччылар эҕэрдэ аккырыыккалары оҥорон угаллар. Манна анаан спасибоучителю.рф. диэн саайт үлэлиир.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: