Ил Дархан, бырабыыталыстыба дьаһалтатын пресс-сулууспата.
Саха сиригэр «Мин – профессионалбын» диэн Бүтүн Арассыыйатааҕы устудьуоннар олимпиадаларын «Социология», «Экэниэмикэ» хайысхаларынан түмүктүүр түһүмэхтэрэ буолуохтара. «Мин – профессионалбын» – бу «Россия – страна возможностей» Бэрэсидьиэн платформатын бырайыага буолар.
Талар түһүмэх ахсынньыга түмүктэммитэ, онон кыттааччылар түмүктүүр түһүмэххэ ыҥырыллыбыттара. Быйыл түмүктүүр киирсиигэ бары эрэгийиэннэртэн 8 хайысханан барыта 5911 устудьуон кыттар. Бу олимпиадаҕа 35 үрдүк үөрэх кыһата уонна 500 партнер (тэрилтэ) сорудахтары оҥороллор. Устудьуоннар инники идэлэрин ымпыгын-чымпыгын билэргэ, сатабылга күрэстэһэллэр.
«Мин – профессионалбын» VII сезонун түмүктүүр түһүмэҕин бастакы финала Хотугулуу-Илиҥҥи федеральнай университекка олунньу 17 күнүгэр буолуоҕа. Түмүктүүр түһүмэх муус устар ыйга бүтүөҕэ, ыам ыйыгар олимпиада VII сезонун түмүктэрэ тахсыахтара.
Олимпиадаҕа кыайбыт устудьуоннар араас чэпчэтиинэн туһаналлар: үөрэх саҥа үктэлигэр – магистратураҕа, ординатураҕа, аспирантураҕа киирэллэригэр, бастыҥ тэрилтэлэргэ стажировкаланалларыгар чэпчэтиилэр бааллар, оу тэҥэ 300 тыһыынча солкуобайга тиийэ харчынан бирииһи туталлар.
СӨ Ил Дарханын уонна Бырабыыталыстыбатын пресс-сулууспата.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…