СӨ Үлэҕэ уонна социальнай сайдыыга миниистирэ Елена Волкова «Тэтим» араадьыйаҕа “Былааһы кытта кэпсэтии” биэриигэ быһа сибээскэ тахсан, хомуурга ыҥырыллыбыттар дьиэ кэргэттэригэр көрүллэр төлөбүрдэри билиһиннэрдэ.
Хомуурга ыҥырыллыбыттар дьиэ кэргэттэригэр СӨ Үлэҕэ уонна сайдыыга министиэристибэтинэн икки, СӨ Үөрэҕин уонна билимин министиэристибэтинэн уонна олохтоох бэйэни салайыныы уоргынан биэс өйөбүл миэрэ көрүллэр.
— Биһиги, СӨ Үлэҕэ уонна социальнай сайдыыга министиэристибэбит иһинэн, байыаннай сулууспалаахтар дьиэ кэргэттэригэр 200 тыһ. солк. кээмэйдээх биир кэмнээх харчынан көмө уонна санаторийга-курортка эмтэнэргэ (байыаннай сулууспалаах төрөппүттэригэр) путевка буолар.
Байыаннай сулууспалаах дьиэ кэргэнэ бу көрүллэр миэрэлэри туһанарыгар докумуонун бигэргэттэрээри хас да тэрилтэҕэ тиийбэтин туһугар, бу көрүллэр бары миэрэлэргэ биир сайабылыанньа ирдэнэр. Комплекснай сайабылыанньаны “Мин докумуоннарым” элбэх өҥөнү оҥорор кииҥҥэ биэрэллэр эбэтэр e-yakutia.ru судаарыстыбаннай уонна муниципальнай өҥөлөр портал нөҥүө ыыталлар. Маныаха ыал аҕата хомуурга ыҥырыллыбытын туоһулуур докумуону хомуйсаллара ирдэммэт. Тустаах сибиэдэнньэни Байыаннай комиссариат биһиги министиэристибэбитигэр бэйэтэ ыытар. Сайабылыанньалар көрүллэллэр, төлөбүр оҥоһулла турар, — диэн миниистир иһитиннэрдэ.
СӨ Ил Дархана Айсен Николаев дьиэ кэргэҥҥэ көрүллэр бу өйөбүл миэрэлэри олунньу 24 күнүттэн барбыт байыаннай сулууспалаахтарга, хантараагынан, баҕа өттүнэн сылдьыбыт, сылдьар дьоҥҥо барыларыгар бэриллэр диэн быһаарыы ылыммытын эбэн эттэ.
СӨ Үөрэҕин уонна билимин министиэристибэтин иһинэн көрүллэр биэс өйөбүл миэрэ туһунан сиһилии манна ааҕыҥ.
Хаартыска: СИА.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…