Салгыы
Миниистир Александр Куренков уонна Ил Дархан Айсен Николаев Хатырык ыалларын кытта көрүстүлэр

Миниистир Александр Куренков уонна Ил Дархан Айсен Николаев Хатырык ыалларын кытта көрүстүлэр

22.05.2024, 18:21
Хаартыска - t.me/aisen_nikolaev
Бөлөххө киир:

Дьокуускайга РФ гражданскай оборона дьыалаларыгар, ыксаллаах быһыы-майгы уонна айылҕа иэдээнин содулларын туоратыыга миниистир Александр Куренков кэллэ.

Миниистири кытта Нам улууһун ууга барбыт сирин-уотун бөртөлүөттэн кэтээн көрдүбүт. Хатырык нэһилиэгэр сылдьан олохтоохтору кытта көрүстүбүт.

10 оҕону иитэр Кутуковтарга сылдьан, балаһыанньаны билистибит. Мин олунньуга бу ыалга сылдьан турабын. Кинилэр соторутааҕыта  баҕа санаа оҥостубут саҥа дьиэлэригэр көһөн киирбиттэрэ. Син эмиэ атын дьиэлэр курдук, Кутуковтар дьиэлэрин уопсай күүһүнэн түргэнник чөлүгэр түһэриэхпит.

Васильевтар дьиэлэрэ эмиэ ууга барбыт. Ол эрээри Валентин Титович уонна Тамара Галиновна санаалара бөҕөх.  Тамара Галиновна бэйэтин оҥоһуктарын уонна сибэккилэрин «сүтэрдэҕим…» диэн санаарҕаабыт. “Кылаабынайа, этэҥҥэлэр эбит, тулуспуттар”, — диэт, мичээрдиир дьиэлээх хаһаайка. Александр Куренков бу ыалы дьиэлэрин куурдарга ититэр “пушканан” хааччыйарга уонна волонтердары көмөлөһүннэрэргэ соруйда.

Эмсэҕэлээбит дьоҥҥо кэмигэр өйөбүл буолан көмөлөһүү – биһиги сүрүн сорукпут. «Норуот күүһэ — көмүөл күүһэ» диэн мээнэҕэ эппэттэр. Уопсай сүбэнэн дьоммутугар өйөбүл буолуохпут, — диэн Ил Дархан Айсен Николаев бэйэтин t.me/aisen_nikolaev телеграм-ханаалыгар суруйда.

+1
2
+1
0
+1
0
+1
0
+1
0
+1
1
+1
0
Бары сонуннар
Салгыы
23 июня
  • 20°C
  • Ощущается: 20°Влажность: 68% Скорость ветра: 4 м/с

Сообщить об опечатке

Текст, который будет отправлен нашим редакторам: