Миниистир атын үлэҕэ барарынан дуоһунаһыттан босхолонно

СӨ инновацияҕа, цифровой сайдыыга уонна  инфокоммуникационнай  технологияларга миниистирэ  Ефимов Василий Васильевич атын үлэҕэ барарынан сибээстээн дуоһунаһыттан босхолонно. Бу туһунан Ил Дархан Айсен Николаев МАКС сыһыарыыга ханаалыгар иһитиннэрдэ. 

Санатан эттэххэ,  Ил Дархан Айсен Николаев Саха сирин сайдыытын корпорациятын саҥа функцияларын туһунан ыйаахха илии баттаабыта. Корпорацияны билигин өрөспүүбүлүкэ СӨ инновацияҕа, сыыппара сайдыытыгар уонна инфокоммуникационнай технологияларга миниистиринэн үлэлиир Василий Ефимов салайыаҕа диэн Ил Дархан  балаҕан ыйын 27 күнүгэр быһа эпииргэ эппитэ.

Аны СӨ инновацияҕа, цифровой сайдыыга уонна  инфокоммуникационнай  технологияларга миниистирин бастакы солбуйааччыта  Копытов Алексей Леонидович эмиэ атын үлэҕэ барарынан дуоһунаһыттан босхолонно.