Миниистир социальнай хантараагы ылбыт ыалларга сырытта
![](https://sakha-sire.ru/wp-content/uploads/2023/09/ce6f0ffe1ed8ab5a016f28ef7f9274ebd0e4a517-1060x596.jpg)
Үлэ, социальнай сайдыы миниистирэ Елена Волкова Горнай улууһугар оробуочай сырыытыгар социальнай хантараагы ылбыт дьону кытары көрүстэ, бэйэ дьыалатын, хаһаайыстыбаны салгыы хайдах сайыннарбыттарын билистэ.
![](https://sakha-sire.ru/wp-content/uploads/2023/09/271aae14204b05033e593ae83ea56ead03cd4be2.jpg)
Кыыдаана Ефремова дьиэ кэргэнэ Бэрдьигэстээххэ 2021 сыллаахха сибэкки, бэлэх маҕаһыынын арыйбыта. Социальнай хантараак харчытынан сибэккилэри харайар, сөрүүкэтэр камераны ылбыттара. Маҕаһыыҥҥа сибэккини сэргэ бэлэх арааһа баар. Онон нэһилиэнньэ бэлиэ күннэргэ, бырааһынньыктарга сибэккилэри, бэлэхтэри ыраата барбакка хамаҕатык атыылаһар.
![](https://sakha-sire.ru/wp-content/uploads/2023/09/dd6cc82fa7c70fe8457ee38a4cba6a9819d0a672.jpg)
Ньургуйаана Сивцева — алта оҕолоох ийэ. Улахан дьиэ кэргэн улахан хаһаайыстыбалаахтар. Онон 2021 сыллаахха кэтэх хаһаайыстыбаны сайыннарар хайысханан социальнай хантараагы ылбыттара. Хантараак харчытынан кыра тыраахтар атыыласпыттара. Бу тиэхиньикэлэрэ хаһаайыстыбаларын сайыннарарга, үлэҕэ-хамнаска төһүү күүс буолар. Улуус баһылыга хотон тутарга көмөлөспүтэ. Билигин кинилэр 64 сүөһүлээхтэр. Салгыы хаһаайыстыбаларын өссө сайыннарар, сүөһүлэрин элбэтэр былааннаахтар.
Миниистир Елена Волкова дьиэ кэргэттэргэ сылдьан көрдө-иһиттэ. Социальнай хантараак тыа сиригэр олорор дьиэ кэргэттэр экэниэмикэлэригэр улахан көмө буолар диэн бэлиэтээтэ.
Үлэ, социальнай сайдыы министиэристибэтин пресс-сулууспата.
Сообщить об опечатке
Текст, который будет отправлен нашим редакторам: