Бу күннэргэ Өймөкөөн улууһугар СӨ тыраанспар уонна суол хаһаайыстыбатын миниистирин бастакы солбуйааччы Анатолий Потапов «Өймөкөөн» өрөспүүбүлүкэтээҕи суол өрөмүөнүн көрдө-иһиттэ.
Кинини кытта Росавтодор уонна өрөспүүбүлүкэтээҕи Суол управлениетын бэрэстэбиитэллэрэ сырыттылар. Хамыыһыйа соруга — «Куттала суох уонна хаачыстыбалаах айан суоллара» национальнай бырайыак олоххо киириитин үөрэтии.
Улуус баһылыга Иннокентий Сивцев бэлиэтииринэн, хамыыһыйа чилиэннэрэ суол өрөмүөнүгэр кыраапыктан хаалыы баарын бэлиэтээтилэр уонна ону ситиһэри сүбэлэстилэр.
Быйыл Өймөкөөн уонна Сордоҥноох нэһилиэктэригэр өрөмүөннэммит айан суолун көрөн баран, миниистири солбуйааччы үлэ хаачыстыбалаахтык оҥоһуллубутун бэлиэтээтэ. Анатолий Потапов «Өймөкөөн» өрөспүүбүлүкэтээҕи айан суолун Үчүгэйдээҕи учаастагар өрөмүөн үлэтин тэтимирдэргэ сорудахтаата.
Хамыыһыйа олохтоохтору быйыл күһүнү быһа эрэйдээбит Агайакаан уонна Сунтаар үрэхтэри туоруур муосталары көрөн-истэн баран, бу эбийиэктэргэ быстах кэмҥэ суол оҥоһуллуоҕа диэн мэктиэлээтэ. Ол курдук, Сунтаар үрэҕи туорааһыҥҥа үлэ сэтинньи 20 күнүгэр, Агайакааҥҥа — ахсынньыга диэри ыытыллыаҕа.
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан…
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…