Хаартыска: minobrnauki.sakha.gov.ru
СӨ земскэй учууталларын бастакы пуорумун иитинэн үөрэх уонна билим миниистирэ Нюргуна Соколова учууталлары кытта көрүстэ.
Министр идэлэригэр бэриниилээхтэрин, үлэлэригэр үрдүк көрдөрүүлэрин, үлэлиир сирдэриттэн үтүө тыллар кэлэллэрин иһин земскэй учууталларга махтанна. “Земскэй учуутал” федеральнай бырагыраама биһиги өрөспүүбүлүкэбитигэр табылынна. Бастакы биэс сылга үлэһиттэр уурайыылара суох, биир идэлээхтэрибититтэн куһаҕан тыллар этиллибэтилэр. Быйыл өрөспүүбүлүкэ сэлиэнньэлэригэр өссө 11 земскэй учуутал үлэтин саҕалыаҕа” – диэн миниистир Нюргуна Соколова иһитиннэрдэ.
Ол да буоллар, миниистир этэринэн, күн бүгүн өрөспүүбүлүкэҕэ педагогическай каадыр тиийбэт кыһалҕата баар, маны быһаарар туһугар былырыын Үөрэх уонна билим министиэристибэтэ Уопсай үөрэхтээһин тэрилтэлэрин педагогическай каадырынан хааччыйыы кэнсиэпсийэтин ылыммыт. Докумуоҥҥа кэккэ суолталаах быһаарыылар киирбиттэрэ, ол кэккэтигэр оскуолаларга психолого-педагогическай кылаастар үлэлэрин, миэстэтигэр педагогическай үлэһиттэри бэлэмнииргэ кэллиэстэр улуус кииннэригэр анал педагогическай салаалара, ону тэҥэ, үөрэх эйгэтигэр каадырынан хааччыйыы киинэ аһыллыыларын миниистир бэлиэтээтэ. Итини таһынан, миниистир дистанциннай технологияны туһанан үөрэтэр киин үлэтин уопутун кэҥэтэр ирдэнэрин иһитиннэрдэ. Күн бүгүн өрөспүүбүлүкэҕэ 69 учуутал ситимнээх ньыманан үлэлиир, онон кэккэ кыра кэмпилиэктээх оскуолаларга, ыраах нэһилиэктэргэ педагог тиийбэт кыһалҕата быһаарыллар. Үөрэх киинэ С.Н.Донской аатынан үөрэҕи сайыннарар уонна идэ таһымын институтун иһинэн үлэлиир.
Көрсүһүүгэ земскэй учууталлар бэйэлэрин үлэлэрин туһунан кэпсээтилэр. Учууталлар сыл-хонук биллибэккэ ааһарын, тыа сиригэр олох тэтимнээҕин, кинилэр оскуола олоҕор эрэ буолбакка, сэлиэнньэ уопсастыбаннай олоҕор көхтөөхтүк кытталларын этэллэр. “Үгүспүт үрдүк категориябытын бигэргэттибит, идэ күрэстэригэр кытынныбыт, кыайыылааҕынан таҕыстыбыт. “Земскэй учуутал” бырагыраама баара үчүгэй, учуутал быһыытынан толкуйбутун олоххо киллэрэрбитигэр кыах бирэбиккитигэр Үөрэх уонна билим министиэристибэтигэр махтанабыт” – диэн земскэй учууталлар миниистир Нюргуна Соколоваҕа эттилэр. Бу туһунан министиэристибэ пресс-сулууспата суруйар.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…