СӨ Инновацияҕа, сыыппара сайдыытыгар уонна инфокоммуникация технологиятын министиэристибэтигэр сүрүн түгэннэри сырдаттылар уонна 2022 сыл түмүгүн билиһиннэрдилэр.
Дьокуускайга СӨ Инновацияҕа, сыыппара сайдыытыгар уонна инфокоммуникация технологиятын министиэристибэтин мунньаҕа буолла. Манна 2022 сылга ыытыллыбыт үлэ түмүгүн таһаардылар уонна үүнэр сыл былаанын билиһиннэрдилэр. Бу туһунан СИА суруйар.
Сыыппара сайдыытын миниистирэ Анатолий Семенов сүрүн түгэннэргэ тохтууругар Дьокуускайга РФ Бырабыыталыстыба бэрэссэдээтэлэ Михаил Мишустин кэлэ сылдьан эрэгийиэҥҥэ ИТ-салаа күүскэ сайдыбытын сыаналаабытын, ону таһынан өрөспүүбүлүкэ киин куоратыгар далааһыннаахтык ыытыллыбыт «Цифровой алмаз» пуорумҥа икки федеральнай миниистир кыттыбытын бэлиэтээн эттэ.
«Бу улахан тэрээһиҥҥэ тыһыынчанан киһи кытынна, ВК 500 тыһ.киһи көрдө. Элбэх сөбүлэҥ түһэрсилиннэ. Олор үүнэр сылтан олоххо киллэриллибитинэн бароыахтара», — диэтэ кини. Маны сэргэ, быйыл улуустарга үс ИТ-киин тэрилиннэ, уопсайа өрөспүүбүлүкэ үрдүнэн барыта 18 тиийдэ.
«Кэлэр сылга биһиги улахан дьоҥҥо анаан Skillbox куурустарын саҕалыахпыт. Улуустарга сыыппаранан билиини-көрүүнү үрдэтэри таһынан, үөрүйэхтэнэллэригэр, дьон-сэргэ саҥа идэни ыларыгар эрэнэбит», — диэн иһитиннэрэр Семенов.
Быйылгы сылга биир сүрүнүнэн анал байыаннай эпэрээссийэ буолла. Сыыппара сайдыытын министиэристибэтин өттүттэн 122 call-киин тэриллибитэ. Онно оператордар үлэлииллэр, хонугу эргиччи быстах хомуур, социальнай төлөбүрдэр туһунан төлөпүөнүнэн ыйытыылар киирэллэр.
«Маны таһынан, улахан бырайыактыыр офис тэриллибитэ. Манна биһиги бары Ил Дархан Айсен Николаев салалтатынан биир хамаанда курдук үлэлиибит. Доруобуйа харыстабылыгар, тырааныспарга, ОДьКХ, о.д.а. барыта 87 бырайыактаахпыт. Бииргэ көмөлөөн үлэлээһиммитинэн, Арассыыйаҕа цифровой трансформацияҕа 10 бастыҥ иһигэр киирдибит. Бу улахан ситиһии. Маны сэргэ, быйыл «Үлэ кыбартаала» киллэрилиннэ. Сыл түмүгүнэн саамай креативнай эрэгийиэн буоллубут. Бу биһиги барыбыт үлэбит үрдүк ситиһиитэ», — диэтэ миниистир.
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…
СӨ Бырамыысыланнас уонна геология миниистирэ Максим Терещенко 2025 сыл от ыйын 10 күнүгэр, чэппиэргэ, СӨ…
Атырдьах ыйын 1 күнүттэн хас да категориялаах гражданнар биэнсийэлэрэ улаатар, диэн РФ Бырабыыталыстыбатын иһинэн үлэлиир…