“МИП “СахаЭнергоЭффект” ХЭТ сылааһынан хааччыйыыга көмөлөһөр

Соторутааҕыта Таатта улууһун Чычымах сэлиэнньэтигэр ититэр ситим тыраассатын саҥардан оҥоруу киин ититэр ситими саҥардыыга ситиһиилээх хардыынан буолла.

“Пенополиуретановай изоляциялаах турбалары (ППУ) туһаныы ититэр ситим көдьүүһүн үрдэтэр, тас көстүүтүн тупсарар, ону тэҥэ сылааһы сүтэриини 25-30 бырыһыантан 5-7 бырыһыаҥҥа диэри аччатар. Онон ночооту, тулалыыр эйгэҕэ буортулааһын тахсыытын аччатарга көмөлөөх”, — диэтэ оҥорон таһаарыы сыаҕын начаалынньыга Иннокентий Ксенофонтов.

Бу сыл тоҕус ыйын түмүгүнэн, “МИП “СахаЭнергоЭффект” ХЭТ 45 тыһыынча погоннай миэтэрэ ППУ-турбаны оҥорбут. Тэрилтэ 57-тэн 426 мм диэри диаметрдаах маннык турбалары бэлэмниир. Бу турбалары 20 сыл туһаныахха сөп.

“СӨ ОДьКХ” ГУП пресс-сулууспата

Хаартыска: тустаах саайтан