“Мир” каартанан төлөһүү кэҥиир

Сайын чугаһаан, айан-сынньалаҥ кэмэ чугаһаан иһэр.

Арассыыйа “Мир” каартатынан төлөһүү санкцияны аахсыбакка элбээн иһэрэ үөрдэр.

Билигин “Мир” каартанан Беларуська, Абхазияҕа, Соҕуруу Осетияҕа уонна Кубаҕа туттаҕын. Өссө тоҕус дойдуга – Казахстаҥҥа, Арменияҕа, Молдавияҕа, Таджикистаҥҥа, Венесуэлаҕа, Вьетнамҥа, Лаоска, Мьянмаҕа уонна Никарагуаҕа — хааччахтаах үлэлиир: эбэтэр туристар сылдьар сирдэригэр  эбэтэр ханнык эрэ бааннары кытта сибээстээхтик.

Атыы-эргиэн туочукаларын “Мир” каартаҕа холбуурга Индонезия, Малайзия, Непал, Пакистан, Таиланд уонна Шри-Ланка үлэлэһэн эрэллэр. Бу хамсааһыҥҥа кыттар баҕалаахтарын Египет, Иран уонна Маврикий биллэрдилэр. Өссө алта дойду Арассыыйа Баанын кытта бу боппуруоһунан кэпсэтии ыыта сылдьаллар.