«Мир! Май! ГТО!» успуорду сэҥээрээччилэри ыҥырар

Ыам ыйын 26-28 күннэригэр Дьокуускай куорат «Туймаада» стадионугар «Мир! Май! ГТО!» өрөспүүбүлүкэтээҕи бэстибээл ыытыллыа.

Бу күннэргэ ГТО нуорматын толоруон баҕалаахтарга түгэн үөскээтэ. Ким баҕалаах «Мир! Май! ГТО!» тэрээһиҥҥэ кэлэн кыттыан сөп. Ол туһунан Физическэй култуура уонна маассабай успуорт салалтатын пресс-сулууспата иһитиннэрэр. Тэрээһиҥҥэ кыттааччыларга анаан сүүйүүлээх оонньуу ыытыллыа. Бириистэрэ – Дьокуускай куорат успуордун саалаларыгар сыллааҕы дьарыкка абонемент, 8000 солк.суумалаах IRON фирматын сэртипикээтэ.

Онон, успуорду сөбүлүүр уонна эттэрин-хааннарын чэбдигирдэр дьону бу күннэргэ «Туймаада» стадиоҥҥа ыҥыраллар.