Мира Аргунова: «Болуоссат аныгы арт-эбийиэгин быһыытынан аата дириҥ суолталаах буолуохтаах»

Өрөспүүбүлүкэ болуоссатын оҥорууну Арассыыйа худуоһунньуктарын сойууһун чилиэнэ Мира Аргунова эмиэ өйүүр.

Киин куорат саҥардыллыбыт болуоссатын Өрөспүүбүлүкэ болуоссата диэн ааты биэрии туһунан боппуруос улахан сэҥээриини ылла. Дьокуускай куорат саҥардыллан оҥоһуллубут болуоссата биир кэрэхсэнэр, Саха сирин  ураты култууратын көрдөрөр сиринэн буолла диэн худуоһунньук бэлиэтиир. Билигин болуоссат аныгы ленд-арт футуристическай оҥоһугун курдук көстөрүн эттэ.

«Манна сыһыаран эттэххэ, ускуустуба өттүттэн көрдөххө, ускуустуба арт-эбийиэгин аата онуоха сөптөөх буолуохтаах – киэҥ өйдөбүллээх, кылгас уонна дириҥ суолталаах. Өрөспүүбүлүкэ болуоссата архитектура өттүнэн саха норуотун уратытын толору көрдөрөр», — диэн Мира Аргунова бэлиэтээтэ.