Хаартыска СӨ Киин быыбардыыр хамыыһыйатын ТГ ылылынна
Бу күннэргэ СӨ Киин быыбардыыр хамыыһыйата – Дьиэ кэргэн, таптал уонна бэриниилээх буолуу күнүн көрсө, олохторун-дьаһахтарын, дьылҕаларын быыбары, быыбар систиэмэтин кытта ситимнээбит дьиэ кэргэттэр тустарынан ТГ-ханаалыгар таһаарда.
Бүгүн олортон Үөһээ Бүлүү улууһугар олорор, үлэлиир Мироновтар тустарынан билиһиннэриэхпитин баҕарабыт. Бу дьиэ кэргэн бэйэлэрин дьыалаларыгар бэриниилээх буолуу чаҕылхай холобурунан буолар.
Мироновтар ыал буолан, оҕо-уруу төрөтөн, оттоон-мастаан, бултаан-алтаан олорбуттара номнуо 34 сыл буолбут. Семен Семенович 2002 сылтан Саха Өрөспүүбүлүкэтин Киин быыбардыыр хамыыһыйатын сүрүннүүр исписэлииһэ, 2006 сылтан Үөһээ Бүлүү территориятааҕы быыбардыыр хамыыһыйатын бэрэссэдээтэлин солбуйааччы, 2019 сылтан бэрэссэдээтэлэ, «Саха Өрөспүүбүлүкэтин судаарыстыбаннай сулууспатын туйгуна» бэлиэнэн наҕараадаламмыта.
Кэргэнэ Ирина Георгиевна, дьиэ хаһаайката, 2020 сылтан куоластыыр бырааптаах Үөһээ Бүлүүтээҕи территориальнай быыбардыыр хамыыһыйа чилиэнэ. Кини улуустааҕы норуот маастара, Саха сирин уус-уран оҥоһуктарын маастара, өбүгэлэрбит төрүт иистэринэн – «кыбытыктаах тигии» ньыматынан тигэр. Кини кэрэ үлэлэрин дьон-сэргэ мэлдьм сөҕө-махтайа көрөр, үгүс быыстапкаларга, куонкурустарга кыттан кыайыылааҕынан тахсан, лауреат үрдүк аатын сүгэр.
Айар-тутар дьоҕурдаах, иллээх дьиэ кэргэн Наташа уонна Георгий диэн икки оҕолоохтор, үс сиэннээхтэр. Уоллара төрөппүттэрин суолун батыһан, 2016 сылтан 75 №-дээх учаастактааҕы быыбардыыр хамыыһыйа чилиэнэ, кини өссө мелодист, ырыаһыт.
Онон бу дьиэ кэргэн быыбарга буоллун, иллэҥ кэмигэр буоллун мэлдьи бииргэ тутуспутунан сылдьар. Иллэҥ кэмнэригэр саамай сөбүлүүр дьарыктара – бултааһын уонна балыктааһын. Дьиэ кэргэн сөбүлээн былыргы туос иһити, дьэс алтаныттан оҥоһуктары уо.д.а. хомуйан кэллиэксийэлиир.
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…