Хаартысканы Тускулаана ГОРОХОВА-КОБЕЛЬЯНОВА тиксэрдэ
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн бу орто дойду олоҕуттан олус эрдэ туораабыттара.
Кинилэр ааттара, мэтириэттэрэ Сунтаардааҕы Ис дьыала отделыгар, «Албан аат» болуоссатыгар уонна дойдуларыгар Тойбохойго… Үһүөн эт саастыы уолаттар, кэргэннээхтэр, оҕолоохтор этэ.
2012 сыллаахха Г.Е.Бессонов аатынан Тойбохой түмэлин тэлгэһэтигэр Михаил Владимирович Иванов, Игорь Николаевич Васильев, Аркадий Валерьевич Саввинов ааттарыгар анаан өйдөбүнньүк турбута, онтон бэттэх сэтинньи 8 күнүгэр, Анал сорудахха, үлэҕэ сылдьан суох буолбут милиция, полиция үлэһиттэрин ахтыы күнүгэр Хочо түбэтэ, Сунтаардааҕы Ис дьыала отдела түмсэн ахтыы тэрээһини оҥорор. Манна ыччаттар кэлэн уолаттар хорсун быһыыларын, олоххо көрүүлэрин, дойдуга бэриниилээх буолары дириҥник иҥэрэр үлэ оҥоһуллар. Бүгүн эмиэ ол күн… Дьаархантан, Маар Күөлтэн, Кириэстээхтэн, Куокунуттан, Тойбохойтон ыччаттар кэлбиттэр, полиция сотрудниктара, уолаттар төрөппүттэрэ, холоонноох доҕордоро чугастарын ахтан санаан умнубаттарын биллэрдилэр. Уолаттар тустарынан аһаҕас уруогу 60-тан тахса сыл ырыа учууталынан үлэлээбит Клара Тихонова олус өйдөнүмтүөтүк, истиҥник ыытта, уруок түмүгэр ыллатан да ылла. Сунтаардааҕы Ис дьыала отдела уолаттар дьоннорун куруутун ытыһыгар тута сылдьар, күндүтүк бэлиэтиир, бу да сырыыга сибэкки дьөрбөтүн кытта сэмэй бэлэҕи, истиҥ эҕэрдэни тиэртилэр.
Аны биир дьикти түгэн Тойбохойго айаннаан иһэн үс туртаһы көрдүбүт, сөҕүү-махтайыы, кыратык видеоҕа устуу, онтон кэлэн дьоммутугар кэпсээбиппит былырыын эмиэ бу күҥҥэ Тойбохой чугаһыгар атын сотрудниктары үс тугут ойуоккалыы-тэйиэккэлии көрсүбүт. Эмиэ дьикти, уолаттарбыт кэлэн көрөн-истэн, төрүөбүт дойдуларын сыһыыларыгар үктэнэн барар курдуктар. Эһиил эмиэ кэтээн көрүөхпүт ээ… Уолаттар биһиги эһигини умнубаппыт.
Тускулаана ГОРОХОВА-КОБЕЛЬЯНОВА
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…