«Мисс новая Якутия» диэн куонкуруска кыттааччылары күүтэллэр

Бүгүҥҥүттэн, бэс ыйын 14 күнүттэн, «Мисс новая Якутия» диэн кэрэ буолуу өрөспүүбүлүкэтээҕи куонкуруска сайаапкалары хомуйан саҕалаатылар. Куонкуруһу «Три кита» креативнай ааҕыныстыба уонна MOST сыһыарыыны оҥорооччулар тэрийэллэр.

Куонкуруска 14-45 саастаах кэрэ аҥаардар кытталлар. Сокуоннай сааһын туола илик кыргыттар төрөппүттэрин сөбүлэҥнэринэн кытталлара ирдэнэр.

Сайаапканы бэс ыйын 24 күнүгэр диэри сыылканан ыытыахха сөп.

Куоластааһын от ыйын 24 күнүттэн саҕаланыаҕа. Куонкурус хас даҕаны түһүмэхтээх, финал балаҕан ыйын 30 күнүгэр ыытыллара былааннанар.

Кыайыылаах кыыс дьиэ туттарарга сэртипикээтинэн наҕараадаланыаҕа.