«Мисс новая Якутия» кыттааччыта «Мисс Россия» куонкуруска кыттыан сөп

Бу бээтинсэҕэ, муус устар 25 күнүгэр, «Триумф» успуорт уораҕайыгар «Мисс новая Якутия» куонкурус финала ыытыллар. Тэрээһиҥҥэ аатырбыт ырыаһыт, Арассыыйа эстрадатын сулуһа Дима Билан кыттара күүтүллэр.

Сүрүн титул уонна бириис ылар иһин сыанаҕа 20 финалист кыргыттар тахсыахтара. Сүрүн бириис — массыына атыылаһыыга 1 мөлүйүөн солкуобай.

Бүгүн өрөспүүбүлүкэтээҕи «Сахамедиа» медиа-кииҥҥэ суруналыыстарга анаан куонкурус туһунан пресс-кэмпириэнсийэ кэмигэр тэрийээччилэр кэпсииллэринэн, сүрүн бириис иһин финалга 20 Кэрэ Куо кыттыаҕа.

«Быйыл куонкуруска барыта 211 Кэрэ Куо кыттыыны ылла. Кинилэр ортолоругар «Мисс Россия» ирдэбиллэригэр сөп түбэһэр кыргыттар эмиэ бэлиэтэннилэр. Онно биһиги «Мисс Россия — 2024» кыттыылааҕа Айыына Пудованы кытта федеральнай куонкурус дирекциятын кытта ыкса бииргэ үлэлээбиппит. Ити кэмҥэ «Мисс Россия» куонкурус дириэктэрэ бэйэтэ биир кыттааччыны бэлиэтии көрбүтүн туһунан эппитэ. Бу — Милена Худогизова. «Мисс Россия» дирекцияттан бүтэһиктээх быһаарыы ылылла илик, ол эрээри Милена бэлэмнэнэрин саҕалаата», — диэн «Мисс новая Якутия — 2025» тэрийээччитэ, «Три кита» угуйук ааҕыныстыбатын салайааччыта Сахаайа Гоголева кэпсээтэ.

Сахаайа Гоголева этэринэн, «Мисс Новая Якутия» бырайыак өссө да кэҥиирэ күүтүллэр: «Аны икки сылынан норуоттар икки ардыларынааҕы формакка тахсарга былаанныыбыт. Уһук Илин эрэгиэйиэнтэн саҕалаан, баҕар, куонкурус кэлин «Мисс Дальний Восток» диэн ааттаныа».

Финалга тахсыбыт 20 кыргыттар:

• Виктория Павлова — «Вумен Пауэр»
• Елизавета Кимпинская — «Мисс Этника»
• Екатерина Ероскумова — «Селфмейд Вумен»
• Аяна Иванова — «Мисс Снежница»
• Саргылана Васильева — «Сердце Коммьюнити»
• Сардаана Ушницкая — «Мисс Эрудиция»
• Анита Лугинова — «Мисс Эстетика»
• Дайаана Филиппова — «Мисс Инфлюенс»
• Виктория Андросова — «Мисс Зрительских Симпатий»
• Саргылана Дмитриева — «Туйаарыма куо»
• Евгения Фа-ин-фо — «Икона Стиля»
• Дайана Федулова — «Прорыв года»
• Александра Афоничева — «Мисс Креативность»
• Татьяна Кондратьева — «Мисс Onni»
• Сардаана Лукина — «Мисс Мотивация»
• Настастья Федорова — «Мисс Талант»
• Сайаана Лыткина — «Мисс New Age»
• Ирина Суздалова — «Момс Пауэр»
• Анастасия Евсеева — «Мисс Артистичность»
• Анна Дегтярева — «Выбор ThaiShop»