«Мисс Россия» куонкурус куоластааһыныгар Айыына Пудованы өйүөҕүҥ

«Мисс Россия-2024» куонкурус телеграм-ханаалыгар иһитиннэрбиттэринэн, онлайн-куоластааһын саҕаламмыт. Бу түмүгүнэн уон кыттааччы финалга ааһыаҕа.

Элбэх куолаһы хомуйбут кыттааччылар ааттарын бу субуотаҕа, алтынньы 5 күнүгэр, иһитиннэриэхтэрэ. «Куоластааһын босхо, сууккаҕа биирдэ куоласкытын биэриэххитин сөп», — диэн тэрийээччилэр иһитиннэрэллэр.

Күрэхтэһии финалыгар Арассыыйа араас эрэгийиэннэриттэн 20 кыыс кыттыаҕа. Уон кыыһы куоластааһын түмүгүнэн финалга аһардыахтара, онтон хаалбыт уон кыыһы дьүүллүүр сүбэ көрөн талыаҕа.

Саха сириттэн 23 саастаах  Айыына Пудова кытта сылдьар. Кини бу соторутааҕыта бастыҥ национальнай көстүүм иһин наҕараада туппута.