«Мисс Вселенная» куонкурус кыайыылааҕа билиннэ

АХШ Новай Орлеан куоратыгар 71-с төгүлүн «Мисс Вселенная» куонкурус ыытылынна. Кыайыылаах аата билиннэ диэн СИА суруйар.

Аан дойду саамай кэрэ кыыһынан Америка Холбоһуктаах Штаттарын аатыттан күрэхтэспит Р’Бонни Габриэль буолла. Бу кыыс филиппинскэй хааннаах эбит. Вице-мисс аатын Венесуэлыттан сылдьар кыыс, үһүс миэстэни Доминикана өрөспүүбүлүкэтин кыыһа ыллылар.

Арассыыйаны ааспыт сылга «Мисс Россия» буолбут Анна Линникова диэн Оренбург кыыһа билиһиннэрдэ.