Ааһан эрэр сыл Саха сирин спортсменнарыгар элбэх үрдүк ситиһиилээх буолла. Спортсменнарбыт бииртэн биир кыайыы-өрөгөй көтөллөөх кэлэллэрин киһи астына, киэн тутта истэр.
Бу күннэргэ Великие Луки куоракка устудьуоннар ортолоругар ММА күрэҕэр Бүтүн Арассыыйатааҕы турнир буолан ааста. Эдэр спортсменнарбыт үс күн илин-кэлин түсүһэн, эриирдээх-мускуурдаах күрэххэ 1 миэстэни Василий Сергеев ылан, Арассыыйа кубогар барар путевканы тутта, онтон Семен Яковлев 3 миэстэ буолла.
Оттон Магнитогорскай куоракка ыытыллыбыт Арассыыйа спортивнай Миксфайтын бастыыр иһин чемпионатыгар 16-17 саастаах оҕолор ортолоругар Ян Слепцов уонна Николай Струкин ыйааһыннарыгар бастаан, чөмпүйүөн аатын ыллылар. Чиргэл Ноговицын уонна Павел Гуляев 2-с миэстэлэри ыллылар.
Биһиги уолаттарбыт үрдүк кыайыыны ситиһэллэрин, ММА көрүҥүгэр сахалар күүстээхтэрин, күрэхтэһэр кыахтаахтарын дакаастаатылар.
Күрэхтэһээччилэр уонна тренердэр Ил Дархан Айсен Николаевка, «Якутскэнерго» тэрилтэ генеральнай дириэктэригэр Алексей Стручковка, «Триумф», «Модун» успуорт комплекстарыгар уонна мэлдьи көмөлөһөр дьонноругар махталларын биллэрэллэр.
Бүгүн, ахсынньы 12 күнүгэр, Саха сирин сорох улуустарыгар -52 кыраадыс буолара күүтүллэр диэн УГМС иһитиннэрэр.…
Бу күннэргэ Мэҥэ Хаҥалас улууһугар Сыымахха командировкаҕа сылдьан, киһи кэрэхсиир түгэнин көрөн, сырдатарга сананным. Васильевтар…
Көрсүһүүгэ сүрүн болҕомто Саха сиригэр национальнай бырайыактары уонна РФ Бэрэсидьиэнин сорудахтарын олоххо киллэриигэ уурулунна. "Айсен…
Аҕа дойдуну көмүскүүр сэрии уустук сылларыгар тыыл үлэтэ байыаннай балаһыанньа ыйарынан былааннанара. «Барыта фроҥҥа, барыта…
Маны билэҕит дуо? Куоска минньигэс амтаны билэр дуо? Оттон саамай улахан кинигэ төһө ыйааһыннаах буолуо…
Бүгүн, ахсынньы 11 күнүгэр, Бырабыыталыстыба дьиэтигэр, Өрөспүүбүлүкэ саалатыгар "Мин Сахам сирэ XXI үйэҕэ" үтүө дьыала…