ММА күүстээх бөҕөстөрүн Ил Дархан Куубага быһаарыаҕа

Атырдьах ыйын 18 күнүгэр Дьокуускайга «Өрөгөй» успуорка бэлэмнээх буолуу киинигэр Саха сирин Ил Дарханын Куубагар  Eagle FC 53 диэн ММА-ҕа норуоттар икки ардыларынааҕы турнир ыытыллыаҕа. Рингэҕэ 26 кыттааччы күрэхтэһиэҕэ.

Ол курдук, Таджикистан, Узбекистан, Киргизия, Бурятия, Алтай, Новосибирскай, Москва, Дагестан, Иран уонна Саха сирин күүстээх бөҕөстөрө күрэхтэһиэхтэрэ диэн Ил Дархан уонна Бырабыыталыстыба дьаһалтатын пресс-сулууспата иһитиннэрэр.

Саха сириттэн аҕыс байыас кыттыаҕа — Узаир Абдураков, Октябрин Яковлев, Игнатий Андросов, Андрей Лаптев, Федор Огоюкин, Денис Андреев, Григорий Барашков уонна Гавриил Семенов.