Мобилизацияламмыт дьон дохуота босуобуйаны анааһыҥҥа учуоттаныа суоҕа
![](https://sakha-sire.ru/wp-content/uploads/2023/01/9a3c6db0b0c1a5a77686569c76e7a6c2c937ab9a-900x596.jpg)
Анал байыаннай дьайыыларга кытта сылдьар мобилизацияламмыт дьон дохуоттара биир кэлим босуобуйаны анааһыҥҥа учуоттаныа суоҕа. Ол туһунан бүгүн, тохсунньу 10 күнүгэр, СӨ үлэҕэ уонна социальнай сайдыыга миниистирэ Елена Волкова брифиҥҥэ эттэ.
Бу туһунан быһаарыыны өссө 2022 с. ахсынньытыгар РФ Бырабыыталыстыбата ылыммыта. Докумуоҥҥа этиллэринэн, Арассыыйа Сэбилэниилээх Күүстэригэр байыаннай сулууспаҕа мобилизациянан ыҥырыллыбыт дьон РФ Бэрэсидьиэнин балаҕан ыйын 21 күнүнээҕи 2022 с. 647 №-дээх «Арассыыйа Федерациятыгар быстах мобилизацияны биллэрии туһунан» ыйааҕыгар сөп түбэһиннэрэн, дьиэ кэргэн орто дохуотун ааҕыыга харчынан ылыллыбыт маннык дохуоттар ааҕыллыбаттар:
— хамнас, ол иһигэр стимул быһыытынан төлөммүт харчы, оҥоһуллубут үлэ, өҥө иһин төлөбүр, бириэмийэ уонна харчынан төлөбүр;
— биэнсийэ уонна босуобуйа;
— истипиэндийэ уонна ыалдьан академическай уоппускаҕа олорон ылбыт төлөбүр;
— алимент быһыытынан ылбыт харчы;
— пенсионнай старховкалаах өлбүт киһи нэһилиэнньигин быһыытынан ылбыт төлөбүр;
— байыаннай сулууспалаахтары РФ ис дьыалатын уорганнарын, холуобунай-толорор систиэмэ уорганнарын уонна тэрилтэлэрин, күһэлэҥ толоруу уорганнарын, таможня уорганнарын уонна да атын быраабы араҥаччылыыр үлэни кытта сибээстээх уорганнар сокуонунан федеральнай судаарыстыбаннай сулууспаны барар үлэһиттэри харчынан хааччыйыы (ананыллыбыт үп-харчы), итиэннэ бастайааннай төлөнөр эбии төлөбүрдэр уонна аһынан-үөлүнэн хааччыллыы;
— судаарыстыбаннай уонна уопсастыбаннай эбээһинэһи толоруу иһин кэмпинсээссийэ;
— сыаналаах кумааҕылары уонна атын да суолунан үбү эргитииттэн киирбит дивидиэннэр, бырыһыаннар уонна атын даҕаны дохуоттар;
— бааҥҥа уурунууттан киирбит бырыһыаннар;
— урбаанынан дьарыктанан киллэрбит дохуот, итиннэ бааһынай хаһаайыстыбатынан дьарыктанан ылбыт дохуоту киллэрэн туран;
— баайы-дуолу арендалаан эбэтэр атыылаан ылбыт дохуот;
— ааптар быһыытынан сакаас дуогабарынан киирбит дохуот;
— «Налог на профессиональный доход» анал нолуок чэрчитинэн ылыллыбыт дохуот;
— астаапкаҕа тахсыбыт судьуйалар олохторун устата ый аайы ылар харчылара;
— Байыаннай сулууспаттан уурайарга бэриллэр биир кэмнээх босуобуйа;
— кыраныысса тас өттүттэн киирэр дохуот;
— лотореяҕа уонна уксууга сүүйүүттэн киирбит дохуот;
— биир кэмнээх матырыйаалынай көмө.
Санатан эттэххэ, биир кэлим босуобуйа тэҥинэн хас даҕаны көмөнү холбуур: хат дьахталларга, учуокка эрдэ турууга, бастакы оҕо төрөөтөҕүнэ, үһүс уонна онтон кэлэр оҕо төрөөтөҕүнэ 3 сааһыгар диэри, 3-7 сааһыгар диэри саастаах оҕолорго уонна 8-17 сааһыгар диэри оҕолорго ый аайы өйөбүл быһыытынан эбии көмө төлөбүрдэрэ, итини таһынан 0-16 саастаах оҕолорго ыйдааҕы босуобуйалара.
Биир кэлим босуобуйаҕа сайабылыанньаны РФ Социальнай пуондатыгар судаарыстыбаннай өҥө порталынан https://www.gosuslugi.ru эбэтэр МФЦ «Мои документы» офистарынан ыытыаххытын сөп.
Сообщить об опечатке
Текст, который будет отправлен нашим редакторам: