Мобилизацияламмыт гражданнарга көмөнү оҥоруу туһунан

Бэҕэһээ, балаҕан ыйын 27 күнүгэр, СӨ Уопсастыбаннай палаататыгар улуустар түмсүүлэрин бэрэстэбиитэллэрин кытта мобилизацияламмыт гражданнарга көмөнү оҥоруу туһунан мунньах буолла.

Мунньахха бэрэстэбиитэллэр мобилизацияламмыт байыастары атаарарга Өрөспүүбүлүкэтээҕи хомуур буолар пуунугар сиэри-туому ыытарга уонна сэргэ туруорарга диэн быһаардылар.

Уопсастыбаннай палаата байыаннай сулууспаҕа барар быстах мобилизацияламмыт дьоҥҥо анаан үс хайысханан үлэлиир Координационнай киини үлэлэтэн саҕалаата, нүөмэрэ: 508-373. Бу киин улуустар түмсүүлэрин кытта систиэмэлээх үлэни ыытыаҕа, байыаннай дьайыылар бүтүөхтэригэр диэри үлэлиэҕэ.

Киин үлэтин бастакы хайысхата:

Балаҕан ыйын 26 күнүттэн байыастарга анаан баһыылка ыытар пуун үлэлээн эрэр. Аадырыһа: Дьокуускай к., Орджоникидзе уул., 10, аактабай саала. Пуун өрөбүлэ суох күннэтэ үлэлиир. Маннык пууннар улуустарга эмиэ тэриллиэхтэрэ.

Киин үлэтин иккис хайысхата:

Уопсастыбаннай палаата, СӨ Киһи быраабыгар боломуочуйалааҕын уонна Саллааттар, мотуруостар ийэлэрин кэмитиэтин кытта СӨ Байыаннай комиссариатыгар, Байыаннай борокуратуураҕа туһуламмыт мобилизация туһунан сайабылыанньалары хомуйуоҕа.

Суруктары маннык аадырыска илдьиэххэ сөп: Дьокуускай к., Курашов уул., 24, 401 каб. Юристар электроннай аадырыстара: oprs11@mail.ru. Консультацияны бу нүөмэргэ эрийэн ылыахха сөп: 507-363.

Киин үлэтин үһүс хайысхата:

Ыччаты өйүүр социальнай-психологическай киини кытта мобилизацияламмыт гражданнар дьиэ кэргэннэрин уонна нэһилиэнньэни психологическай өрүтнэн өйүүргэ үлэ барыаҕа.

Приемҥа үлэ күннэригэр бу нүөмэргэ эрийэн суруттарыахха сөп: 31-91-09

Информация:

Өрөспүүбүлүкэтээҕи хомуур пуунугар мобилизацияламмыттары күҥҥэ үстэ аһаталлар, ол эрээри айаҥҥа илдьэ барарга диэн ыһык ылыахха наада.

Мобилизацияламмыт байыастарга бастаан утаа наада буолар мал-сал испииһэгэ;

1. Кыра размердаах утуйар мөһөөччүк;
2. Балаклава;
3. Мөһөөччүк анныгар тэлгэнэр тэллэх;
4. Хааны тохтотор жгут;
5. Былаастыр;
6. Водород перекиһэ;
7. Тымныйыыттан, ис ыарыытыттан эмп-том;
8. Термо-наскы;
9. Кыһыҥҥы термо-таҥас;
10. Кыһыл өҥнөөх сүүскэ кэтэр банаар;
11. Хомуллар быһах.

Аптечкаҕа:

1. Жгут — турникет;
2. Гемостатическай губка;
3. Противоожоговай салфетка;
4. Испиирдээх салфетка;
5. «Целокс» бороһуок;
6. Ыарыыны үмүрүтэр ампулалар: кеторолак, дексаметазон , кордиамин. Испириис;
7. Стрептоцид;
8. Покрывало 160х21 см.

Мобилизацияламмыт байыас эчэйэр түгэнигэр тустаах информацияны СӨ Байыаннай дьайыыларын бэтэрээннэрин ассоциацияларыгар биллэриҥ: 89245998989, 89245998998.