Хаартыска: SakhaGov
Мобильнай биригээдэлэр өрөспүүбүлүкэтээҕи кииннэрин эмчиттэрэ ыам ыйын 31-бэс ыйын 6 күннэригэр Нам улууһугар халаантан эмсэҕэлээбит олохтоохтор доруобуйаларын көрдүлэр-иһиттилэр.
Быраастар Хатырык, Түбэ, Модут, Бөтүҥ, Граф биэрэгэ уонна Аппааны сэлиэнньэлэригэр 468 киһи, ол иһигэр 85 оҕо доруобуйатын туругун бэрэбиэркэлээтилэр. Биригээдэ састаабыгар терапевт, кардиолог, невролог, эндокринолог, ЛОР, офтальмолог, УЗД быраастара бааллар.
Биригээдэ былаан быһыытынан, бэс ыйын 17 күнүттэн бу улуус Арбын, Көбөкөн, Фрунзе уонна 2 Хомустаах нэһилиэктэрин олохтоохторугар тиийиэхтээх.
Олохтоохтор быраастарга көрдөрөн сүбэ-ама ылыллар уонна олохтоох исписэлиистэргэ салгыы кэтээн көрүүгэ сылдьаллар. Биир эмэ ыарыы сибикитэ эбэтэр доруобуйаҕа уларыйыы баара билиннэҕинэ, мобильнай быраастар ыарыһаҕы өрөспүүбүлүкэ эмтиир тэрилтэлэригэр салгыы көрдөрүнэргэ ыыталлар.
Санатан эттэххэ, Мобильнай биригээдэлэр өрөспүүбүлүкэтээҕи кииннэрин Ил Дархан Айсен Николаев көҕүлээбитэ. Бу үлэ дойду бэрэсидьиэнэ Владимир Путин киллэрбит “Доруобуйа харыстабыла” национальнай бырайыак соруктарын толорорго туһуланар.
Муус устар саҥатыгар ИДьМ дьуһуурунай чааһыгар Хаҥалас оройуонугар Улахан Ааҥҥа чааһынай дьиэ умайбытын туһунан иһитиннэрии…
“Мин санаам бары салаалара салҕанан барыахтарын баҕарабын...” (“Пусть нити моих мыслей продолжаются...”). Бу П.А.Ойуунускай аатынан…
П.И. Дудин аатынан Дьокуускайдааҕы сибээс уонна информационнай технология кэллиэһин баазатыгар космическай кэтээн көрүү дааннайдарын уонна…
Муус устар 12-18 күннэригэр Дьокуускай куоракка физкултуураҕа Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэ буолан ааста.…
Саха сирин ИДьМ холуобунай ирдэбилин управлениетын оперативниктара Булуҥ оройуонугар урут сууттана сылдьыбыт 34 саастаах киһини…
Олоххо араас түгэн баар. Холобур, сорохтор кистии-уора болкуоҥҥа шашлык эмиэ буһарар түгэннэрэ тахсар. Мапнна биир…