Хаартыска: СӨ Ил Дарханын уонна Баһылыгын пресс-сулууспата
Саха сирин мобильнай биригээдэтин быраастара быйыл 10 улууска сырыттылар. Мобильнай быраастар муус устар саҥатыттан барыта 3736 киһини көрдүлэр,ол иһигэр 1196 оҕону.
Муус устар 19 күнүгэр Эдьигээн улууһуттан быраастар биригээдэлэрэ төннөн кэлбиттэрэ. Мобильнай быраастар Бэстээх, Баханай, Кыстатым, Эдьигээн нэһилиэктэригэр 460-ча киһини көрбүттэрэ. Биригэдэ сорох үлэһиттэрэ Үөһээ Дьааҥы улууһугар үлэлииллэр.
Кинилэр 642 киһи көрдүлэр уонна улуус 8 нэһилиэнньэлээх пуунун хабар былааннаахтар: Боруулах, Баатагай, о.д.а. Биригээдэ көһө сылдьар үлэтэ муус устар 24 күнүгэр диэри салҕаныаҕа. Муус устар 10 күнүгэр Анаабыр улууһугар мобильнай оҕо быраастарын биригээдэтэ көппүтэ. Кинилэр 676 оҕонү көрдүлэр. Икки элбэх хайысхалаах биригээдэлэр Муома уонна Орто Халыма улуустарынан үлэлииллэр. Муомаҕа барыта 395, Орто Халымаҕа 426 киһи көрүлүннэ. Муус устар 12 күнүгэр Усуйаанаҕа көһө сылдьар оҕо биригээдэтэ иккис түһүмэҕэр көттө. Үлэ саҕаланыаҕыттан барыта 429 оҕо көрүлүннэ.
Муус устар 13 күнүгэр Аллайыахаҕа стоматологическай биригээдэ көппүтэ. Кинилэр билигин 155 киһиэхэ, ол иһигэр 81 оҕоҕо көмө оҥордулар. Өссө икки элбэх хайысхалаах биригээдэ Булуҥ уонна Эбээн-Бытантай улуустарынан үлэлииллэр. Булуҥ улууһугар 4 нэһилиэнньэлээх пууҥҥа сырыттылар. Бу кэмҥэ 270 киһини көрдүлэр, олортон 90 оҕо.
Эбээн-Бытантай улууһугар барыта 283 киһи көрдүлэр. Мобильнай быраастар 3 нэһилиэнньэлээх пууну хабар былааннаахтар.
Санатан эттэххэ, «Мобильнай быраастар» бырайыак чэрчитинэн, Саха сирин Арктика улуустарын олохтоохторугар анал көмө оҥорууну Ил Дархан Айсен Николаев көҕүлээбитэ. Бу үлэни дойду Бэрэсидьиэнэ Владимир Путин көҕүлээбит «Доруобуйа» национальнай бырайыагын соруктарын толорууга ыытыллаллар.
СӨ Ил Дарханын уонна Баһылыгын пресс-сулууспата
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…