Хаартыска:
Бу күннэргэ Эбээн Бытантай улууһун Дьарҕаалааҕар тиис быраастарын биригээдэтэ үлэлиир. Бөлөҕү оҕо тииһин бырааһа Дарина Константинова салайар.
«Кытыы нэһилиэк дьоно абыранныбыт диэн махтаналлар. Уопсайа 77 киһи эмтэннэ. Туох баар наадалаах анал тэриллэрин илдьэ сылдьан, маннык уһук хоту кэлэн миэстэтигэр эмтииллэрэ наһаа табыгастаах. Түгэнинэн туҺанан, Ил Дархаммытыгар Айсен Сергеевичка бу бырайыагын иһин махталбытын биллэрэбит», -диэн Клара Стручкова- Захарова махтанар. Бу туһунан «Бытантай уоттара» суруйар.
Тиис быраастара олунньу 6-12 күннэригэр Кустуурга үлэлиэхтэрэ. Ил Дархан Айсен Николаев көҕүлээһининэн ыытыллыбыт “Өрөспүүбүлүкэтээҕи көһө сылдьар эмчиттэр биригээдэлэрэ” бырайыак 2023 сыл олунньутуттан үлэҕэ киирбитэ. Элбэх хайысхалаах мобильнай хамаандалар бөлөхтөрүгэр ыраах сирдэргэ суох анал исписэлиистэр киирэллэр.
Санатар буоллахха, 2021-2030 сылларга Саха Сиригэр Чэбдигирии уон сыла биллэриллибитэ. Ил Дархан этэринэн, бу сылларга өрөспүүбүлүкэ дойдуга саамай уһун үйэлээх эрэгийиэннэр ахсааннарыгар киириэхтээх. Үрдүкү салалта үлэтэ нэһилиэнньэ олоҕор табыгастаах усулуобуйаны тэрийиигэ, мэдиссиинэ көмөтүн хаачыстыбатын үрдэтиигэ туһуланыахтаах.
Орто Халымаҕа арыгы иһэн баран итирик туруктаах тахсыбыт иирсээн алдьархайга тиэрдибит. Эрин куукуна быһаҕынан өлөрбүт…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Владимир Балынец дойду паралимпийскай сүүмэрдэммит хамаандатын састаабыгар киирэн, пауэрлифтиҥҥэ аан дойду чөмпүйэнээтин үрүҥ көмүс мэтээлин…
Бу күннэргэ Ньурба олохтооҕо, история учуутала Галина Копылова дьиэтигэр гранат диэн экзотическай фруктаны үүннэрбитин хаартыскалара…
Бырабыыталыстыба бэрэссэдээтэлин солбуйааччы – Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев ыыппыт Уһук Илин социальнай-экэнэмиичэскэй…
СӨ Ил Дархана РФ Бэрэсидьиэнэ бырабыыталыстыба чилиэттэрин кытта ыыппыт сүбэ мунньаҕар кытынна. Мунньахха суол инфраструктуратын…