Хаартыска: Ил Дархан пресс-сулууспата
Мобильнай быраастар бастакы биригээдэлэрэ Аллараа Халыма улууһугар үлэлии барда. Биригээдэ састаабыгар оҕо быраастара: икки педиатр, оҕо кардиолога, невролог, эндокринолог, ЛОР, гинеколог, эндокринолог, травматолог, хирург-уролог, УЗИ исписэлииһэ, офтальмолог бааллар.
Кинилэр үлэлэрин тохсунньу 27 күнүттэн Аллараа Халыма улууһун Андрюшкино бөһүөлэгиттэн саҕалаатылар. Манна алын кылаас оҕолорун, барыта 170 оҕо доруобуйатын бэрэбиэркэлээтилэр.
Бэлиэтээн эттэххэ, быраастар быйылгыттан ыла миэстэтигэр хаан биохимическай анаалыһын, гепатикка ИФА ылар, гликированнай гемоглобины быһаарар буолуохтара.
Мобильнай доктордар Андрюшкиноҕа тохсунньу 31 күнүгэр диэри үлэлиэхтэрэ, онтон Колымскай сэлиэнньэтигэр көһүөхтэрэ, салгыы улуус нэһилиэнньэлээх пууннарын барытын хабыахтара.
Ил Дархан Айсен Николаев өрөспүүбүлүкэҕэ биллэрбит Оҕо саас сылын чэрчитинэн, мобильнай биригээдэлэр өрөспүүбүлүкэтээҕи кииннэрин быраастара Арктика ыраах сытар улуустарын оҕолорун доруобуйаларын бэрэбиэркэлииргэ улахан болҕомтону ууруохтара.
Үлэ Владимир Путин мэдиссиинэ көмөтө табыгастаах буоларын уонна хаачыстыбатын үрдэтиигэ сорудаҕын толоруу чэрчитинэн ыытыллар.
Быраастар биригээдэлэрэ Аллараа Халыма улууһугар командировкаларын кэнниттэн Эбээн Бытантай улууһугар барар былааннаахтар. Ол курдук, Мобильнай биригээдэлэр өрөспүүбүлүкэтээҕи кииннэрин элбэх хайысхалаах биригээдэтигэр киирэр оҕо быраастара сыл устата Арктика улуустарын оҕолорун доруобуйатын көрүөхтэрэ.
Тохсунньу 31 күнүттэн олунньу 6 күнүгэр диэри кэмҥэ быраастар Дьааҥы, Абый, Өлөөн, Аллайыаха, Булуҥ уонна Усуйаана улуустарыгар бараллара былааннанар.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…