Хаартыска: Өлүөхүмэ улууһун киин балыыһатын телеграмыттан.
Ааспыт нэдиэлэттэн Өлүөхүмэ улууһугар элбэх хайысхалаах мобильнай быраастар бөлөхтөрө үлэлиир. Үс бөлөҕүнэн барыта 32 нэһилиэнньэлээх пууну хабан, дьон-сэргэ доруобуйатын көрүөхтэрэ.
Өлүөхүмэ улууһун киин балыыһата иһитиннэрэринэн, бастакы бөлөх атырдьах ыйын 13 күнүттэн үлэтин саҕалаабыт. Күн бүгүн быраастар Чапаево бөлөх нэһилиэктэринэн сылдьаллар.
Атырдьах ыйын 15 күнүгэр тиийбит иккис бөлөх улуус киинин эргин сытар сэлиэнньэлэр олохтоохторун көрөллөр. Үһүс бөлөх атырдьах ыйын 17 күнүгэр көтөн тиийбит. Үлэлэрин өрөбүлгэ Заречнай бөһүөлэгиттэн саҕалаабыттар.
Өрөспүүбүлүкэтээҕи Доруобуйа харыстабылын министиэристибэтэ иһитиннэрэринэн, бүгүҥҥү күн туругунан быраастар номнуо 534 киһини көрбүттэр, итинтэн 126 оҕо. Быраастар балаҕан ыйын 6 күнүгэр диэри үлэлииллэрэ былааннанар.
Биригээдэҕэ харах бырааһа, эндокринолог, травматолог-ортопед, онколог, уо.д.а. исписэлиистэргэ тиийэ бааллар. Онон киинтэн ыраах сытар нэһилиэк олохтоохторо олорор сирдэриттэн ханна да ырааппакка үрдүк таһымнаах быраастарга көрдөрүнэр кыахтара үөскээн, быраастар көрөр нэһилиэктэрин ахсын сарсыардаттан дьон күө-дьаа буолан уочараттарын быһаарсаллар.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…