«Мобильнай дуоктардар» бырайыагы дьон-сэргэ биһириир

Орто Халыма оройуонугар «мобильнай дуоктардар» биригээдэлэрэ быйыл үһүс төгүлүн тиийэн үлэлээбит.

Ил Дархан Айсен Николаев Орто Халыма оройуонугар үлэлиир кэмигэр оройуоннааҕы киин балыыһаҕа сылдьыбыт, дьону-сэргэни көрсүбүт уонна «мобильнай дуоктардары» кытары көрсүбүт. Бу туһунан бүгүн «Россия 24» ханаалга «ВМЕСТЕ с Айсеном Николаевым» биэриигэ сырдатылынна.

«Мобильнай дуоктардар» бырайыак Арктика улуустарыгар олунньуттан саҕалаан үлэлиир. Ол түмүгэр, олунньуттан муус устар ый бүтүөр диэри Өрөспүүбүлүкэтээҕи мобильнай биригээдэ киинин быраастара 13 Арктика улууһун 89 нэһилиэгэр сылдьан олохтоохтор доруобуйаларын көрбүттэр.

Ил Дархан Айсен Николаев бу бырайыак Саха сирин олохтоохторугар олус наадалааҕын бэлиэтиир. Итиэннэ бырайыак салҕаныа диэн этиитин дьон-сэргэ сэргии, үөрэ истэр.