Хаартыска sakha.gov.ru ылылынна.
«Мобильнай дуоктардар» хоту 300-тэн тахса оҕо доруобуйатын көрдүлэр.
«Мобильнай дуоктардар» — педиатрдар биригээдэлэрэ Абый оройуонугар үлэтин салгыыр. Биригээдэҕэ педиатры сэргэ, уролог, ортопед, хирург, эндокринолог, невролог, кардиолог, гинеколог, УЗИ бырааһа бааллар.
«Үлэ алтынньы тоҕуһуттан саҕаламмыта. Бу кэм устатыгар уустук суоллаах-истээх нэһилиэктэринэн сылдьан 300-тэн тахса оҕо доруобуйатын көрдүлэр. Быраастарга Кэбэргэнэ, Сыаганнаах, Абый, Уолбут, о.д.а. олохтоохторо оҕолорун көрдөрдүлэр, ыйытыылары биэрдилэр, сүбэ-ама ыллылар. Белай Гора бөһүөлэгэр алтынньы 23 күнүгэр диэри үлэлииллэр«, — диэн кэпсиир Уопсастыбаннай доруобуйа уонна мэдиссиинэ профилактикатын өрөспүүбүлүкэтээҕи киинин кылаабынай бырааһа Алена Никитина.
Маныаха төрөппүттэр мэдиссиинэ көмөтүн оҥоруу олус наадалаах бырайыак буоларын бэлиэтииллэр, Ил Дархан Айсен Николаевка, быраастарга махтаналлар.
«Дьокуускайтан быраастар мобильнай биригээдэлэрэ маннык ыраах нэһилиэккэ кэлэн оҕолорбут доруобуйаларын көрдүлэр. Сэлиэнньэбит төрөппүттэрин ааттарыттан махтанабын«, — диэн элбэх оҕо ийэтэ, байыас кэргэнэ Екатерина Соломонова санаатын үллэстэр.
Оҕо быраастара элбэх сүбэни-аманы биэрбиттэрин Светлана Аммосова бэлиэтиир. «Биһиги нэһилиэкпититтэн тахсыбакка да эрэ быраастартан туһалаах сүбэлэри ыллыбыт. Бу курдук сотору-сотору кэлэллэрэ буоллар«, — диир кини.
Санатан эттэххэ, Ил Дархан Айсен Николаев сорудаҕынан арктическай улуустарга оҕолор доруобуйаларын бэрэбиэркэлииргэ анал мобильнай биригээдэлэр үлэлииллэр. Маннык этии Ил Дархаҥҥа быйыл балаҕан ыйыгар тэлэбиидэнньэнэн тахсыбытыгар киирбитэ. «Мобильнай дуоктардар» бырайыак олоххо киириэҕиттэн, уопсайа 21 тыһыынчаттан тахса киһи доруобуйатын көрбүттэр, итинтэн 7 тыһыынчата оҕолор. Барыта 89 Арктика сэлиэнньэтэ хабыллыбыт.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэҕэ ааспыт нэдиэлэ түмүгүнэн, Саха сиригэр 8,8 тыһыынча киһи тымныйбыта, тумуулаабыта (ОРВИ) бэлиэтэммит. Бу ол…
Билигин кирэдьииттэрин кэмигэр төлөөбөт, ону ааһан биир да харчыны төлөөбөт дьон бааллар. Суут бириистэптэрин Амма…
"Защитники Отечества" пуонда учуотугар өрөспүүбүлүкэ үрдүнэн 198 (байыаннай дьайыы кыттыылааҕа) инбэлиит турар. Сүрүн болҕомто тиэхиньиичэскэй…
Бэҕэһээ “Путь воина” байыаннай-тактическай күрэхтэһиилэр аһыллыылара буолбута. Бүгүн сарсыардаттан икки хамаанда – Саха сириттэн «Боотур»…
Дьокуускайга бэлисипиэтинэн үгүстүк оҕолор уонна эр дьон сылдьалларын көрөбүн. Бүгүн биир саастаах дьахтар бэлисипиэтинэн сылдьарын…
Бэҕэһээ Дьокуускай куорат үрдүнэн кыра көтөр аал төттөрү-таары эргийэн, үгүс киһини долгутта. Социальнай ситимнэринэн бу…