Хаартыска: РБ 2 пресс-киинэ
Өрөспүүбүлүкэ 2 №-дээх балыыһатын хирургияҕа мобильнай киинин бастакы бөлөҕө Алдан куоракка үлэлиир. Бөлөх састаабыгар проктолог-быраас, тымыр хирура, абдоминальнай хирург, оториноларинголог, травматолог, эпэрээссийэ сиэстэрэлэрэ уонна анестезистар бааллар.
Алдан Оройуоннааҕы киин балыыһатын базатыгар 100-тэн тахса эпэрээссийэни оҥорорго былаанныыллар. Хирурдар суһаллык эмтэниэхтээх дьону бэлэмнииллэр. Кинилэр манна олунньу 12 күнүттэн олунньу 26 күнүгэр диэри үлэлииллэр.
Хирурдар иккис бөлөхтөрө: колопроктолог, анестезиолог-реаниматолог, анестезист уонна эпэрээссийэ сиэстэрэтэ Ньурба улууһугар олунньу 18 күнүгэр диэри үлэлиэхтэрэ.
Өрөспүүбүлүкэтээҕи 2 №-дээх балыыһа хирурдара ааспыт сылга Саха сирин 16 улууһугар 22-тэ сырыттылар. Эмчиттэр 600-тэн тахса, ол иһигэр үрдүк технологиялаах, эпэрээссийэни оҥордулар. Мобильнай хирурдар иэччэх сүһүөҕэр эндопротезирование оҥордулар, мурун токуруйбутун көннөрдүлэр, уустук лапароскопическай эпэрээссийэлэри оҥордулар.
Санатан эттэххэ, “Хирургия мобильнай киинэ” бырайыагы Ил Дархан Айсен Николаев көҕүлээбитэ. Бырайыак быһыытынан Өрөспүүбүлүкэтээҕи 2 №-дээх балыыһа хирурдара Саха сирин олохтоохторугар хирургияҕа былааннаммыт анал эпэрээссийэлэри оҥороллор.
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…