Хаартыска: РБ 2 пресс-сулууспата
Өрөспүүбүлүкэтээҕи 2 №-дээх балыыһа хирургияҕа мобильнай отделениета кулун тутар 21 күнүттэн Өлүөхүмэ улууһун Оройуоннааҕы киин балыыһатын баазатыгар үлэтин саҕалаата.
Быраастар манна муус устар 2 күнүгэр диэри үлэлиэхтэрэ. Оробуочай биригээдэ састаабыгар травматолог-быраас Степан Тордуин, колопроктолог-быраас Николай Сидоров, хирург-бырас Артем Староватов, анестезиолог-реаниматолог Евгений Филиппов бааллар. Ону сэргэ эпэрээссийэ сиэстэрэлэрэ, анестезистка-сиэстэрэ уонна анестезист-медбрат үлэлииллэр.
“Биһиги Өлүөхүмэ улууһугар аан бастаан кэллибит. Биир идэлээхтэрбит суһал көмөҕө наадыйар эмтэнээччилэрин эрдэттэн бэлэмнээбиттэрэ. Бүгүҥҥү туругунан, 20 эпэрээссийэни: иэччэх сүһүөҕүн уларытыыга, варикозтаах тымырга, үөс тааһыгар колопроктология эпэрээссйэлэрин оҥордубут. Ыарыһахтар эпэрээссийэ кэнниттэн иккис сууккаларыгар атахтарыгар тураллар, сорохтор 5-с күннэригэр балыыһаттан үтүөрэн тахсаллар. Сайын Өлүөхүмэҕэ иккистээн кэлэргэ былааннанабыт”, — диэн хирургия мобильнай отделениетын салайааччы, нейрохирург-быраас Максим Макиевскай иһитиннэрдэ.
Санатан эттэххэ, “Хирургия мобильнай киинэ” бырайыак Ил Дархан Айсен Николаев көҕүлээһининэн 2024 сылтан саҕаламмыта. Бу бырайыак көмөтүнэн олорор сиргиттэн барбакка эрэ, мэдиссиинэ анал көмөтүн (ол иһигэр үрдүк технологиялаах) ылаллар.
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …
ИДьМ Дьокуускайдааҕы салаатын полиция 1-кы нүөмэрдээх отделыгар куорат олохтооҕо чааһынай дьиэтиттэн 66 тыһ. солк. суумалаах…