Хаартыска: РБ 2
Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин хирургияҕа отделениета муус устар 22 күнүттэн Нерюнгри улууһун Оройуоннааҕы киин балыыһатын базатыгар үлэлиир.
Кинилэр манна муус устар 30 күнүгэр диэри үлэлиэхтэрэ. Иэччэх сүһүөҕэр 10-13 эпэрээссийэни оҥороллоро былааннанар.
Көһө сылдьар биригээдэ састаабыгар травматолог-ортопед, анестезиолог-реаниматолог, анестезистка уонна эпэрээссийэ сиэстэрэлэрэ бааллар.
«Бүгүҥҥү күннээҕи туругунан, 6 эпэрээссийэни оҥордубут. Эпэрээссийэлэммит дьоммут кыралаан хааман эрэллэр. Бу биһиги Нерюнгри улууһугар төрдүс сырыыбыт. Оройуоннааҕы балыыһаларга биир идэлээхтэрбит эпэрээссийэлэниэхтээх ыарыһахтары эрдэ бэлэмнээбиттэрэ үчүгэй”, — диэн хирургия отделениетын салайааччы Максим Макиевскай иһитиннэрдэ.
Санатан эттэххэ, “Хирургия мобильнай киинэ” бырайыак 2024 сыл тохсунньутуттан саҕаламмыта. Ил Дархан Айсен Николаев көҕүлээбит бырайыагын соругунан Оройуоннааҕы киин балыыһаларга үрдүк таһымнаах хирурдар былааннаммыт анал көмөнү оҥоруулара буолар. Онон өрөспүүбүлүкэ олохтоохторо бэйэлэрин улуустарыттан ханна да барбакка эрэ мэдиссиинэ үрдүк технологиялаах көмөтүн ылар кыахтаналлар.
Бырайыак үлэлээбит сылларыгар өрөспүүбүлүкэ 19 улууһугар тыһыынчаттан тахса ыарыһах эпэрээссийэлэннэ. Хирургия мобильнай отделениетын быраастара уонна сиэстэрэлэрэ мэдиссиинэ көмөтүн оҥороллорун сэргэ, улуустарга баар биир идэлээхтэригэр саҥа ньымаларга уонна технологияларга маастар-кылаастары ыыталлар.
Самаан сайын сатыылаабытынан, ыһыах чугаһаабытынан улахан куйааска утаҕы ханнарар саха төрүт утахтарын оҥорор ырысыаптарын араас…
Ааспыт сууккаҕа Уус Маайа улууһугар 7 га иэннээх ойуур бааһарын суох оҥордулар. Космическай уонна авиационнай…
Араас хиимийэлээх, ыарахан сыаналаах эмтэри атыылаһар оннугар, бэйэбит сирбитигэр-уоппутугар үүнэр, олус уохтаах, күүстээх, эмтээх үүнээйибит…
Бу чааска Комсомольскай болуоссакка Татарстаан Өрөспүүбүлүкэтин 25-с үбүлүөйдээх Сабантуй бырааһынньыгын аһыллыыта саҕаланна. Сабантуйу ыраахтан кэлбит…
Бэс ыйын 13 күнүгэр, бээтинсэ сарсыарда, Израиль оборуонатын аармыйата уонна эрэспиэскэтин сулууспата Моссад Ираны ракетанан…
Зверев ансаамбылыгар 30 хомуһу охсон, таптайан биэрбит Лаппарыйа Уус бүүһэ Аллыҥаҕа турда диэн Сунтаар улууһун…