Хаартыска: РБ 2
Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин хирургияҕа отделениета муус устар 22 күнүттэн Нерюнгри улууһун Оройуоннааҕы киин балыыһатын базатыгар үлэлиир.
Кинилэр манна муус устар 30 күнүгэр диэри үлэлиэхтэрэ. Иэччэх сүһүөҕэр 10-13 эпэрээссийэни оҥороллоро былааннанар.
Көһө сылдьар биригээдэ састаабыгар травматолог-ортопед, анестезиолог-реаниматолог, анестезистка уонна эпэрээссийэ сиэстэрэлэрэ бааллар.
«Бүгүҥҥү күннээҕи туругунан, 6 эпэрээссийэни оҥордубут. Эпэрээссийэлэммит дьоммут кыралаан хааман эрэллэр. Бу биһиги Нерюнгри улууһугар төрдүс сырыыбыт. Оройуоннааҕы балыыһаларга биир идэлээхтэрбит эпэрээссийэлэниэхтээх ыарыһахтары эрдэ бэлэмнээбиттэрэ үчүгэй”, — диэн хирургия отделениетын салайааччы Максим Макиевскай иһитиннэрдэ.
Санатан эттэххэ, “Хирургия мобильнай киинэ” бырайыак 2024 сыл тохсунньутуттан саҕаламмыта. Ил Дархан Айсен Николаев көҕүлээбит бырайыагын соругунан Оройуоннааҕы киин балыыһаларга үрдүк таһымнаах хирурдар былааннаммыт анал көмөнү оҥоруулара буолар. Онон өрөспүүбүлүкэ олохтоохторо бэйэлэрин улуустарыттан ханна да барбакка эрэ мэдиссиинэ үрдүк технологиялаах көмөтүн ылар кыахтаналлар.
Бырайыак үлэлээбит сылларыгар өрөспүүбүлүкэ 19 улууһугар тыһыынчаттан тахса ыарыһах эпэрээссийэлэннэ. Хирургия мобильнай отделениетын быраастара уонна сиэстэрэлэрэ мэдиссиинэ көмөтүн оҥороллорун сэргэ, улуустарга баар биир идэлээхтэригэр саҥа ньымаларга уонна технологияларга маастар-кылаастары ыыталлар.
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…