2 №-дээх Өрөспүүбүлүкэтээҕи балыыһа
2 №-дээх Өрөспүүбүлүкэтээҕи балыыһа – Суһал мэдиссииниэскэй көмө киинин көһө сылдьар хирургиятын киинэ атырдьах ыйын 4 күнүттэн Чурапчы киин улуустааҕы балыыһатын баазатыгар үлэтин саҕалаата.
Быраастар манна атырдьах ыйын 13 күнүгэр диэри үлэлиэхтэрэ, диэн тэрилтэ пресс-сулууспата иһитиннэрэр. Биригээдэ састаабыгар нейрохирург, тымыр хирурга, оториноларинголог уонна анестезиолог-реаниматолог киирдилэр. Ону таһынан операционнай-сиэстэрэ уонна анестезист-сиэстэрэ көмөлөһөллөр.
«Бүгүҥҥү күҥҥэ 21 эпэрээссийэ оҥоһулунна: 13 – септопластика, 5 – флебэктомия, 3 – краниопластика. Бу эпэрээссийэ төбө уҥуоҕун уонна кини бүрүөһүнүн дефктарын сабарга оҥоһуллар. Эпэрээссийэни төбө эчэйиитин кэнниттэн эбэтэр трепанация кэннинээҕи дефектаах ыарыһахха оҥороллор», – диэн көһө сылдьар хирургия киинин салайааччыта Максим Макиевскай кэпсээтэ.
Санатан эттэххэ, бырайыак 2024 сыллаахха саҕаламмыта. 2024 сыл саҕаланыаҕыттан киин Ньурба, Үөһээ Бүлүү, Алдан, Өлүөхүмэ, Уус Алдан, Мэҥэ Хаҥалас, Нерюнгри, Горнай уонна Уус Маайа улуустарыгар үлэлээтэ. Бу кэм иһигэр быраастар 1742 ыарыһаҕы көрдүлэр уонна 599 эпэрээссийэни оҥордулар, ол иһигэр 28 эпэрээссийэ киин улуустааҕы балыыһаларга практическай көмө быһыытынан суһаллык оҥоһулунна.
«Көһө сылдьар хирургия киинэ» бырайыак 2024 сыл тохсунньутугар саҕаламмыта. Бу кэм устата 1261 эпэрээссийэ оҥоһулунна уонна 4261 киһи көрүлүннэ. 2025 сыл бүтүөр диэри улуустарга, ол иһигэр Арктика улусустарынан – Дьааҥы, Булуҥ уонна Орто Халыма улуустарыгар өссө аҕыс сырыы былааннанар.
Хараҥа хоско ыарахан ыарыыга ылларан өлөөрү сытар ийэлэрэ алта кырачаан оҕотуттан -- уонуттан эрэ тахсыбыт…
Бүгүн, атырдьах ыйын 8 күнүгэр, 17 чааска 112 нүөмэргэ дьахталлар тыаҕа муммуттарын туһунан бэйэлэрэ эрийэн…
Саха сирин олохтоохторо кылгас сайыҥҥа үүннэрбит оҕуруоппут аһын күһүн хойукка диэри сибиэһэйдии хаһаанарга кыһанабыт. Бүгүн…
Тутааччы күнүн көрсө РФ Тутууга уонна ОДьКХ министиэристибэтигэр ахсыс төгүлүн ыытыллыбыт "Спроси строителя -2025" куонкурус…
Дьокуускайга «Профмаршрут: Старт карьеры» диэн орто үөрэх кыһаларыгар докумуоннары туттарыы күнэ ыытылынна. 33 колледж уонна…
Бүгүн, атырдьах ыйын 8 күнүгэр, Аллайыаха улууһугар "ОДьКХ" ГУП тэрилтэ сорудаҕынан, 10 хочуолунай 93 социальнай…