Модукка дьоҕус паарка тутуллуо

Уһук Илин тиэргэннэрин тупсарыы бырагырааматыгар Нам улууһун нэһилиэктэрэ көхтөөхтүк кытталлар.

Модукка 2024 сылга дьоҕус паарка тутуллуо. Билигин бэдэрээтчиттэри кытта үлэлэһиэхтэрэ. Сайын тутуутун ыытан, күһүн саҥа дьоҕус парка ситэн-хотон үлэҕэ киириэҕэ. Үбүлээһинэ өрөспүүбүлүкэттэн көрүллэр, олохтоох дьаһалта эмиэ кыттыһар диэн улуус саайтыгар суруллар.

Санатан эттэххэ, бу паарка бырайыагын оҥорорго нэһилиэк олохтоохторо көхтөөх кыттыыны ылбыттар. Архитектордар, бырайыагы оҥорооччулар нэһилиэнньэ баҕа санаатын учуоттаан, тэҥҥэ үлэлэһэн оҥордулар. Сотору кэминэн Модут олохтоохторо аныгылыы тупсаҕай тутуулаах саҥа пааркаҕа сынньанар, иллэҥ кэмнэрин атаарар буолуохтара.

«Нам улууһа» МТ пресс-сулууспата