Ааптар хаартыската
“Азия оҕолоро” норуоттар икки ардыларынааҕы VIII успуорт оонньууларын мас-рестлинг көрүҥэр күрэхтэһии олус сэргэхтик бара турар. Манна “Модун” спорткомплекска мас тардыһыытын сэҥээрээччилэр мустубуттар. 50-60 киилэ ыйааһыҥҥа барыллаан киирсии уонна финал буоларынан, успуорду сэҥээрээччилэр кэлэн истилэр. Саалаҕа биллэр тириэньэрдэр олороллор. Кинилэр ааттарын диктор ааттаатаҕын аайы ытыс тыаһа өрө хабылла түһэр.
14-15 саастаах уолаттарга 50 киилэ ыйааһыҥҥа бастакынан Тимир Луковцев таҕыста. Мэҥэ Хаҥалас Хочотуттан кэлбит спортсмен этэринэн, ыйааһыҥҥа алтыалар. Кинини кытта Мэҥэ Хаҥаластан үөһээ ыйааһыҥҥа өссө Степан Попов эмиэ кыттар. Уол тириэньэрдэрин Владислав Владимиров, Дмитрий Саввин ааттарын сүрдээх махталлаахтык ааттыыр. “Үчүгэй, кыахтаах мас тардыһааччы буолсу”, — дэстилэр кини тардыһыытын аттыбар олорор көрөөччүлэр.
Мас-рестлинг күрэхтэһиитин Эдьигээнтэн анаан-минээн көрө Александр Иннокентьевич Григорьев көтөн кэлбит.
— Мин “Азия оонньуулара” аан бастаан ыытыллыбыт сылыгар сылдьыбытым. Быйыл анаан-минээн кэллим. Ыытыллар күрэхтэһиилэри үксүн көрөр баҕалаахпын. Бэҕэһээ саахыматы, остуол тенниһин көрбүтүм. Билэр дьонум оҕолоро кыттар буолан онно барбытым. Оонньуулары арыйыы сиэригэр-туомугар эмиэ сырыттым. Наһаа үчүгэйдик бэлэмнэммиттэр. Таҥастара-саптара үчүгэйэ бэрт, киһини остуоруйа дойдутугар кэллим дуу диэн санааҕа аҕалар. Бэйэм уһуйааҥҥа эбии үөрэхтээһин педагогунан үлэлиибин. Саахымакка, дуобакка кырачааннары эрчийэбин. Оҕолорум олус кэрэхсииллэр бу көрүҥнэри, — диэтэ Александр Григорьев.
Мас-рестлинг күрэхтэһиитигэр тэрээһин үчүгэй. Миэдиктэр кытта толору бэлэмнээх олороллор. Икки быраас, икки мэдиссиинискэй сиэстэрэ бааллар. “Суһал көмө” массыыната бэлэм турар эбит.
Күрэхтэһиигэ мас тардыһар уолаттарбыт олох турукка киирэн, ыһыытаан-хаһыытаан ылаллар. Ол аайы көрөөччүлэр: “Дьэ, хайаһар”, — диэбит курдук долгуйа көрөллөр. Атын омук хамаандалара сотору-сотору бэйэлэрин былаахтарын тэлимнэтэн, баалларын биллэрэллэр.
Өрөбүл күн сарсыарда эрдэттэн чэпчэки атлетикаҕа күрэхтэһии саҕаланна. Эбиэт иннинэ Саха сирин чэпчэки атлетикаҕа сүүмэрдэммит…
Мэҥэ Хаҥалас Майатыттан "Саха сайдам ыала" , "Тыа ыала" күрэхтэр кыттыылаахтара элбэх оҕолоох Елизавета уонна Герман…
Туймаада ыһыаҕа сыл аайы суруналыыстары кытта бэрт үгүс кэрэхсэбиллээх айар куттаах дьону көрүһүннэрэр. Мэҥэ Хаҥалас…
Туймаада ыһыаҕын кэмигэр куорат мээрэ суруналыыстары кытта көрсөр үгэһинэн быйыл эмиэ бэйэтэ болдьообут чааһыгар кэлэн…
Ыччат күнүгэр, бэс ыйын 29 күнүгэр, Туймаада ыһыаҕын кэмигэр «Ыччат ситимэ - 2024» ыччат бэстибээлэ…
Куорат спортивнай оскуолатын иитиллээччитэ, тохсус кылаас үөрэнээччитэ Альберт Винокуров «Азия оҕолоро» оонньууга үс төгүл үс…