Хаартыска: Андрей Сорокин, СИА
Тохсунньу 22 күнүгэр Ил Дархан Айсен Николаев Мохсоҕоллоох оскуолатын саҥа куорпуһун үөрүүлээх аһыллыытыгар кытынна.
450 миэстэлээх саҥа эбийиэк оҕолору биир симиэнэҕэ үөрэтиини тэрийиэҕэ. Тутууну кылгас болдьох иһигэр «Якутцемент» хампаанньа ыытта — тоҕус ый иһигэр. Үлэ былырыыҥҥыттан саас саҕаламмыта, оттон бастакы сыбаайата муус устар 27 күнүгэр, Саха Өрөспүүбүлүкэтин күнүгэр, түһэриллибитэ. Айсен Николаев тутааччыларга уонна «Якутцемент» генеральнай дириэктэрэ, норуот дьокутаата Алиш Забид-оглы Мамедовы тус бэйэтин аатыттан махтанна, бөһүөлэк уонна бүтүн өрөспүүбүлүкэ сайдыытыгар хампааньа кылаатын бэлиэтээтэ.
«Мохсоҕоллооххо оскуола преподавателлэрэ, оҕолор, кинилэр төрөппүттэрэ баҕа санаалара туолбутуттан олус үөрэбин. Биһиги Бастакы Бэрэсидьиэммит Михаил Николаев саҕалаабыт бэлиитикэтин салгыы ыытабыт. Төһө да ыарахаттар баалларын үрдүнэн, өрөспүүбүлүкэ оскуолалары, оҕо уһуйааннарын тутууга, үөрэхтээһиҥҥэ мэлдьи күүһүн уурар. Саха сирин кэскилэ – кини оҕолоро буоларын өйдүүбүт. Кинилэр хайдах үөрэҕи, билиини ылалларыттан, иитиллэн тахсалларыттан өрөспүүбүлүкэ инникитэ тутулуктанар», — диэтэ Айсен Николаев. Ил Дархан Мохсоҕоллоох оскуолата аһыллыытынан эҕэрдэлээтэ уонна пилота суох авиационнай тиһик кабинеттарынан үөрэнэр оборудованиены бэлэхтээтэ.
Оскуолаҕа саҥа куорпус аһыллыан иннинэ 800 үөрэнээччи икки симиэнэнэн балтараа сыл анараа өттүгэр тутуллубут эргэ дьиэҕэ үөрэнэллэрэ. «Саҥа корпус аһыллыыта — үөрэҕирии усулуобуйатын тупсарыыта эрэ буолбакка, педагогическай кэлэктиибигэр үөрэх саҥа ньымаларын туһанарга кыах биэрэр», – диэн оскуола дириэктэрэ Виталина Данилова бэлиэтээтэ. 3 500 квадратнай миэтэрэ иэннээх үс мэндиэмэннээх дьиэ 24 үөрэх кылаастаах, ону таһынан физкултуурунай уонна актовай саалалардаах. Эбийиэк аныгылыы ирдэбилгэ сөп түбэһиннэрэн дьарыктанарга толору тэрилиннэ.
Санатан эттэххэ, 2018 сылтан Саха сиригэр 171 саҥа үөрэх тэрилтэтэ, 75 оскуола дьиэтэ уонна 81 оҕо уһуйаана тутулунна. 2025 сылга өссө 13 оскуола үлэҕэ киирэрэ былааннанар, диэн СӨ Ил Дарханын уонна Бырабыыталыстыбатын пресс-сулууспата суруйар.
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…