Мохсоҕоллооххо байыаннай дьайыы бэтэрээннэригэр стела аһылынна

Хаҥалас улууһун Мохсоҕоллоох бөһүөлэгэр байыаннай дьайыы бэтэрээннэригэр аналлаах стеланы арыйдылар.

Стеланы арыйар чиэс анал байыаннай дьайыы кыттыылааҕа Николай Жирковка, Анал байыаннай дьайыы кыттыылаахтарын ийэлэрин сэбиэтин бэрэстэбиитэлэ Татьяна Жирковаҕа, “Якутцемент” АУо салайар дириэктэрэ Алиш Мамедовка, бөһүөлэк урукку баһылыга Александр Пермяковка уонна бэтэрээннэр сэбиэттэрин бэрэссэдээтэлэ Любовь Михайловаҕа тигистэ.

Тэрээһиҥҥэ байыаннай дьайыы кыттыылаахтарын наҕараадаларын чугас дьонугар туттарыы долгутуулаах түгэнинэн буолла. Байыаннай сулууспалаахтар ийэлэрэ ийэ муҥура суох тапталын, эрэлин биллэрэн толооҥҥо охтубут уолаттарга аналлаах ырыаны толордулар.

“Тустаах мемориалы арыйыы биһиги хорсун биир дойдулаахтарбыт туһунан үтүө өйдөбүлү хаалларарга дьоһуннаах хардыынан буолар. Бу курдук пааматынньыктар бэтэрээннэр уонна суох буолбут дьоруойдар дьиэ кэргэттэригэр күүс ылар, түмсэр сирдэринэн буолан ураты суолталаах” – диэн Саха сиригэр “Аҕа дойдуну көмүскээччилэр” судаарыстыбаннай пуонда филиалын социальнай координатора Екатерина Перевалова бэлиэтээтэ.

Бу туһунан Ил Дархан уонна Бырабыыталыстыба пресс-сулууспата суруйар.