Мохсоҕоллоохтооҕу инфекционнай отделение балыыһатыгар бэрэбиэркэ ыытылынна

СӨ Борокуратууратын сорудаҕынан Хаҥалас оройуонун борокуратуурата социальнай ситимнэринэн тарҕаммыт иһитиннэриинэн Мохсоҕоллоохтооҕу инфекционнай отделение балыыһатыгар санитарнай усулуобуйаны кэһиинэн бэрэбиэркэни тэрийэн ыытта.

Бэрэбиэркэ түмүгүнэн санитарнай- эпидемиологическай, гражданнар доруобуйаларын харыстааһыҥҥа сокуоннар, ол иһигэр мэдиссиинэ оборудованиетынан хааччыллыытын чааһыгар кэһиилэр тахсыбыттара быһаарылыннылар.

Хаҥалас киин балыыһатын кылаабынай бырааһыгар административнай дьыалалар тэрилиннилэр. Дьыала борокуруор хонтуруолугар турар. Бу туһунан СӨ Борокуратууратын пресс-сулууспата суруйар.