Мохсоҕоллоох оскуолатыгар Петр Киприянов аатын иҥэриигэ этии киирдэ

Мохсоҕоллооххо аһыллыбыт саҥа оскуолаҕа Арассыыйа Дьоруойа Петр Киприянов аатын иҥэрэргэ этии киллэрдилэр. Бу туһунан «Саха» ГТРК ханаалыгар «Быһа кэпсэтии» биэрии кэмигэр Ил Дархан Айсен Николаев иһитиннэрдэ.

«Биллэн турар, Кыайыы туһугар олохторун толук уурбут Петр уонна биһиги уолаттарбыт ааттарын үйэтитэргэ барын үлэни ыытыахпыт. Номнуо этиилэр киирэ тураллар. Ил Түмэн дьокутаата Алиш Мамедов Петр Киприяновы оҕо эрдэҕиттэн билэр буолан төрөөбүт сиригэр Мохсоҕоллоох саҥа оскуолатын кини аатынан ааттыырга этии киллэрдэ. Бу бэртээхэй этии көрүллүөҕэ уонна өйөнүөҕэ дии саныыбын», — диэтэ Айсен Николаев.