«Мои документы» киин үлэтин араадьыйа эпииригэр кэпсиэхтэрэ

Бүгүн, олунньу 9 күнүгэр, күнүс 13.05 мүнүүтэҕэ 107,1 долгуҥҥа Саха НКИИХ «Тэтим» араадьыйатын быһа эпииригэр «Диалог с властью» биэриигэ Элбэх хайысхалаах киин (МФЦ) салайааччытын бастакы солбуйааччы Людмила Дмитриевна Масина кыттыыны ылыаҕа.

Ол курдук Людмила Масина ааспыт сыл түмүгүнэн үлэ көрдөрүүлэрин, хайысхаларын уонна улуустарга киин салаалара аһыллыыларын туһунан кэпсиэҕэ.

Араадьыйаны истээччилэр 8(4112)32-00-66, 3211-66 диэн нүөмэрдэргэ эрийэн ыйыыталаргытын биэриэххитин сөп.