Хаартыскалар: СӨ Ил Дархан уонна Бырабыыталыстыба саайтыттан
Абыйга Майыар нэһилиэгэр успуорт саалатын үлэҕэ киллэрдилэр. Олохтоохтор маннык үөрүүлээх түгэн үүнэрин уон сыл күүппүттэр.
Успуорт саалатын арыйыы умнуллубат бэлиэ түгэнигэр бастакы вице-премьер Дмитрий Садовников салайааччылаах Бырабыыталыстыба отчуотугар тиийбит дэлэгээссийэ кыттыыны ылла.
2012 сыллаахха саҕаламмыт тутуу тохтоон турбут. Саха АССР 100 сылын көрсө, 2021 сылтан «Үтүө дьыала» бырагырааманан тутуу сөргүтүллүбүт. Өрөспүүбүлүкэ бүддьүөтүттэн манна 34 мөл.солк., оройуон дьаһалтатыттан — икки, нэһилиэктэн эмиэ икки мөл.солк. көрүллүбүт.
«Бу түгэни өр күүттүбүт. Олохтоохтор Ил Дархан Айсен Николаев 2021 сыллаахха манна кэлэ сылдьан үлэни тэтимирдэргэ көмөлөспүтүгэр махтаналлар. Кини кэлэ сылдьан соруйбута туолла», — диэн кэпсиир нэһилиэк баһылыга Иван Атласов.
Эбийиэк уопсай иэнэ — 703 кв.м. Успуорт саалатын сэргэ, манна тустууктар дьарыктанар саалалара, тириэньэрдэр, медиктэр хосторо, дьарыктанар, душтаах таҥас уларыттар сирдэр бааллар. Успуорт саалата оскуола таһыгар баар, онон оҕолорго табыгастаах диэн дьон-сэргэ үөрэр. Тоҕо диэтэххэ, 1980 сыллаахха тутуллубут оскуолаҕа баар успуорт саалата аныгы ирдэбилгэ эппиэттээбэт.
Сэлиэнньэ оройуон кииниттэн 170 км тэйиччи. Манна 360 киһи олорор. Оскуолаҕа 69 оҕо үөрэнэр. «Аныгы оскуола» бырагыраама иитинэн «Точка роста» киин тэриллибит. Маны сэргэ, 41 оҕо сылдьар уһуйаана баар.
СӨ Ил Дархан уонна Бырабыыталыстыба пресс-сулууспата
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…