Хаартыска СӨ Ил Дарханын уонна Бырабыыластыбатын саайтыттан.
“Оюут Групп” Монголия хампаанньата убатыллыбыт айылҕа гааһын таһаарыыга интэриэстээх. Тэрилтэ дойдутугар убатыллыбыт гааһынан үлэлиир хочуолунайдары тутуон баҕарар.
Саха сиригэр бу боппуруоһу үөрэтээри “Оюут Групп” ХЭТ дириэктэрдэрин сэбиэтин бэрэссэдээтэлэ Дамдинсурен Чойжилжавч салалтатынан дэлэгээссийэ кэллэ. Оробуочай бөлөх бырабыыталыстыба бэрэссэдээтэлин бастакы солбуйааччы Дмитрий Садовниковы уонна бу салаа тэрилтэлэрин салайааччыларын кытта хайы-үйэ көрүстэ.
Монголия дэлэгээссийэтин кытта көрсүһүүгэ бастакы вице-премьер эрэгийиэн убатыллыбыт гааһы биэрэргэ интэриэстээҕин уонна үлэлэһэр баҕалааҕын биллэрдэ.
“Саха сиригэр убатыллыбыт гаас ырыынага саҥа сайдан эрэр уонна эрэгийиэн иһигэр наадыйыы соччо улахана суох. Ол иһин эрэгийиэн оттук бу көрүҥүн өрөспүүбүлүкэ таһыгар таһаарарга бэлэмнээх. Урут Монголияҕа уонна Кытайга ыыта сылдьыбыппыт”, — диэтэ кини.
Бүгүн Саха сиригэр убатыллыбыт айылҕа гааһын оҥорон таһаарар соҕотох собуот Аллара Бэстээххэ үлэлиир. 12 тыһыынча туонна кыамталаах эбийиэктэн тимир суол 8 ыстаансыйата туһанар. Онно саҥа оҥорон таһаарар собуоту туһанар былааннаахтар.
Садовников этэринэн, Саха сирин дьиэ-уот хомунаалынай хаһаайыстыбатыгар бу убатыллыбыт гаас киэҥник туһанылла илик – билиҥҥитэ Алдаҥҥа эрэ соҕотох хочуолунай баар. Ону тэҥэ “СӨ ОДьКХ” ГУП оттук бу көрүҥэр Хаҥалас улууһун Хачыкаат сэлиэнньэтигэр үлэлиэхтээх хочуолунайы тутууга пилотнай бырайыагы олоххо киллэрэр. Инникитин гааһынан кииннэммит хааччыйыы суох сиригэр бу оттукка хочуолунайдары көһөрүөхтэрин сөп.
Өрөспүүбүлүкэ былааһа Монголия дэлэгээссийэтигэр убатыллыбыт углеводороднай гааһынан хааччыйыы өссө биир барылын көрөллөрөүгэр этии киллэрдэ. Маны Саха сиригэр икки хампаанньа оҥорон таһаарар – Сахатранснефтегаз уонна ЯТЭК.
Санаттахха, Саха сиригэр 2030 сылга диэри убатыллыбыт айылҕа гааһын туһаныы бырагыраамата үлэлиир. Маны итиинэн хааччыйар эбийиэктэргэ туһаныыны кэҥэтиигэ, нэһилиэнньэлээх пууннары гаастааһыҥҥа, оттук экологияҕа буортута суох көрүҥэр тырааныспар, тыа хаһаайыстыбатын, хомунаалынай хаһаайыстыба тэрилтэлэрин көһүүлэригэр туһуланар.
2022 сыл балаҕан ыйыгар буолбут XI Петербурдааҕы норуоттар икки ардыларынааҕы гаас пуорумугар Айсен Николаев “Газпром СПГ технологии” ХЭТ кытта Аллараа Бэстээххэ убатыллыбыт айылҕа гааһын оҥорон таһаарар саҥа собуоту тутууга илии баттаспыта.
Саҥа кыамталары үлэҕэ киллэрии 2025 сылга 50 уонна тыһыынчаттан тахса туонна убатыллыбыт гааһы оҥорууга төһүү буолуоҕа. Оттон 2030 сылга бу көрдөрүү 500 тыһ. туоннаҕа тиийэр кыахтаах.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков салайыытынан муниципальнай тэриллиилэр уорганнара үрдүк бэлэмнээх буолуу эрэсиимҥэ көһөрүлүннүлэр. Гидрометеосулууспа сылыктыырынан, чугастааҕы…
Киин куорат 34 саастаах олохтооҕо, икки кыыс оҕо аҕата, суут быһаарыытынан ый ахсын 15 тыһыынча…
Социальнай ситимнэри кэтээн көрүү кэмигэр Госавтоинспекция үлэһиттэрэ «Тойота Хайс» мааркалаах массыына суоппара суол быраабылатын кэһэн…
Бэс ыйын 4-8 күннэригэр Дьокуускайга Саха сирин эдэр атлеттарыгар биир саамай улахан успуорт тэрээһинэ -…
Саха сиригэр бүгүн, ыам ыйын 3 күнүгэр, Анаабыр, Булуҥ, Усуйаана улуустарынан сөкүүндэҕэ 15-20 м. түргэннээх…
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…